Bu gün Məmməd Arazın doğum günüdür.
Kulis.az şair Firidun Ağazadənin bu münasibətlə qələmə aldığı "Məmməd Araz küçəsi" şeirini təqdim edir:
Məmməd Araz küçəsini başabaş gəzdim,
Varlılara, zənginlərə ünvandır adı.
Milyonçular elə-belə bura gəlməzdi,
Belə ünvan hər şairə qismət olmadı.
Heç darılma, heç qovrulma, İradə Tuncay,
Zaman bütün ünvanları yerbəyer edir.
“Mənim atam kasıb olub” demişdin?
Ay-hay!
O Atanı, o Şairi milyonlar sevir.
Məmməd Araz şöhrətinin sirridir, yəqin,
“Milyonçular məhəlləsi” deyirlər bura.
Şairlər var, belə ömrü yaşayar, çətin,
“Bu da belə bir ömürdü”,
qismətdir bu da.
Azərbaycan sevgisində kimdi ona tay?
Yaddaşlarda o əbədi var olasıdı.
Bu ilhamla, bu sevgiylə, İradə Tuncay,
Məmməd Araz şairlərin ən varlısıdı.
Əyrilərə peşkəş etdi əyri həyatı,
Məmməd Araz düz oyunun oyunçusudu.
Ana Vətən sevgisinin laureatı,
Ana Vətən sevgisinin milyonçusudu.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər