Bu gün şair Raqif Raufoğlunun doğum günüdür.
Kulis.az "Günün şeiri" layihəsindən onun "Ən böyük ümidlər Bakıda ölür" şeirini təqdim edir.
Ən gözəl yağışlar Tiflisə yağır,
Ən böyük ümidlər Bakıda ölür.
Tanrı bu şəhərə şimaldan baxır,
Bu şəhər Tanrını qiblədə görür.
Ən dərin yuxular Təbrizdə yatır,
Bütün yuxuları Moskva yozur.
Böyüdür, kiçildir, dartır, uzadır.
İstanbul gözləyə-gözləyə susur.
Ən gizli xəbərlər Parisdən gəlir
Açılır, açılır, Qarabağ olur.
İçəridən çıxan üç kişi gülür,
Bir boz, bir sarışın, bir də ağ olur.
Qafqaz bir qəribə sevgini bölür.
Adam əsəbləşir, uzaqdan baxır,
Ən böyük ümidlər Bakıda ölür.
Ən gözəl yağışlar Tiflisə yağır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər