Bu gün şair Fərqanə Mehdiyevanın anım günüdür.
Kulis.az "Günün şeiri" layihəsində onun "Şəkildi" şeirini təqdim edir.
Hərdən yana-yana töküb baxıram,
Deyirəm..eh..bu da filan şəkildi.
Gənclik həsrətilə yanıb,qovrulan
Bənizi saralan, solan şəkildi.
Ayıl xəyallardan, azca bəri düş,
Hərəsi bir cürə sifəti dönmüş.
Çiynində günlər var... anası ölmüş
İllərdən-illərə qalan şəkildi.
Bircə söz soruşum…gör nə deyəcək
Sözə çevriləcək, şeirə dönəcək.
Nə vaxtsa, daş üstən gülümsəyəcək
İndidən gözləri dolan şəkildi.
Gözündə eynək yox, əlində əsa,
Atam çəkdirmişdi bir vaxt hardasa.
Anam yox, qaldırıb divardan asa
Ruhu yağmalanmış, talan şəkildi.
Ağzım uzun ömrə sulandı, vallah
Qarşımda ocaq tək qalandı vallah.
Dünyada nə varsa yalandı,vallah
Dünyada tək bircə qalan şəkildi...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər