"İki eyni adlı təşkilatın birləşməsinin müsbət tərəfləri çoxdur. Ən azı ona görə ki, güc birlikdədir. İctimai təşkilatlar ictimai nəzarət instrumentidir, bu cəhətdən kinoya ayrılmış dövlət vəsaitinin necə xərclənməsinə nəzarət ümdə məsələlərdəndir. Bununla yanaşı, kinomuz nüfuz mərkəzinin olmamasından əziyyət çəkirdi, birləşdirici nüvə olmayanda sistem dağılır. Birləşmiş İttifaq bu nüvə ola bilər".

Bu sözləri rejissor, Azərbaycan Kinematoqrafçılar İttifaqının katibi Əli İsa Cabbar Azərbaycan Kino ittifaqlarının birləşməsi ilə bağlı Kulis.az-a danışarkən bildirib.

"Daşınmaz əmlak, maliyyə resuslarının birləşməsi məsələləri sırf hüquqi prosedurlardır. Burada ictimai təşkilatlar üçün yazılmış Ədliyyə nazirliyinin standartları var və bu qaydalara əsasən bu prosedurlar həyata keçəcək. Hər iki tərəf təbii olaraq maraqlarını qorumağa çalışacaqlar. O cümlədən, rəhbər orqanların formalaşmasında, sədrin seçilməsində. Bu barədə indidən heç nə deçək olmaz.

Hər şeyi seçki göstərəcək. Birləşməyin bir üstünlüyü də layihələrin birgə işlənməsidir. Biz artıq birgə layihələr həyata keçirə biləcəyik. İstirahət həftələri bitən kimi, kino nümayişləri, müzakirələrin təşkili, nəşr layihələri istiqamətində səylərimizin birləşdirilməsi haqqında müzakirələr aparacağıq. Biz bu işə səmimi əl qoymuşuq və axıracan da səmimi olacağıq. Hamıdan da səmimi olmağı xahiş edirik, bu işdə ancaq səmimi və dürüst olmaq bizi hədəfə tez çatdıracaq".

Qeyd edək ki, iyulun 26-da Azərbaycan Kinematoqrafçılar İttifaqı (AKİ), Azərbaycan Respublikası Kinematoqrafçılar İttifaqının (ARKİ) idarə heyətinin iştirakı ilə iclas keçirilib və iclasın sonunda ölkədəki kino sektoruna dəstək məqsədilə ittifaqların birləşdirilməsinə qərar verilib.

• Beynəlxalq səyyahlar Gəncəsər monastırında
• Güllünü qətlə yetirən qızı ilə bağlı yeni iddia: Xəstələrə əziyyət verib
• Akademik Nizami Cəfərov: "Vahid məktəbli geyimi olmasa, tədris mühiti yaratmaq, normal dərs keçmək mümkün olmaz"