Mədəniyyət Nazirliyi yanında İctimai Şuranın “Kitab nəşri və ədəbiyyat” işçi qrupu yaradılıb. İşçi qrupuna rəhbərlik Varis Yolçuyevə həvalə olunub.

Bu barədə Kulis.az-a yazıçının özü məlumat verib.

“Kitab nəşri və ədəbiyyat” işçi qrupunun tərkibinə ölkənin tanınmış nəşriyyat və ədəbiyyat xadimləri daxil ediliblər:

1. Firuz Mustafa
2. Şahbaz Xuduoğlu
3. Qəşəm Nəcəfzadə
4. Aida Eyvazlı
5. Sevda Tahirli
6. Nərgiz İsmayılova
7. Sabir Həsənov.
8. Varis Yolçuyev.

İşçi qrupunu yaratmaqda məqsəd Mədəniyyət Nazirliyinin kitab nəşri işinin tənzimlənməsi, ədəbi istedadların üzə çıxarılması kimi məsuliyyətlərinə yardımçı olmaq, bu sahələrdəki boşluqların doldurulmasına, nöqsanların aradan qaldırılmasına kömək etməkdir.

İşçi qrupu Kitab nəşri sahəsində ölkə nəşriyyatları ilə bilavasitə kontakta girərək çap edilən kitabların həm məzmunca, həm də poliqrafik baxımından keyfiyyətli olmalarının qayğısına qalacaq, məzmunca Azərbaycan oxucusuna xələl gətirə biləcək, onun zövqünü korlayan, eləcə də onun etik-əxlaqi davranışına mənfi təsir edəcək kitabların üzə çıxarılması yolu ilə bu sayaq nəşrlərin çapına Nazirlik vasitəsi ilə məhdudiyyətlər qoyulmasına nail olacaq.

Ədəbiyyat sahəsində işçi qrupu ölkə hüdudlarındakı ədəbi dərnək, məclis və məşğələlərlə sıx kontakta girərək istedadlı yazarların, xüsusən gənclərin üzə çıxarılması, onların ədəbi orqanlarda dərc edilməsinə yardım edilməsi işini təşkil edəcək. Bu sahədə ümumrespublika müsabiqələri və festivallarının keçirilməsi, istedadların stimullaşdırılmaları da nəzərdə tutulur.

• Nobel və Oskar mükafatlarına sahib yeganə yazıçı - O, müsahibəsində Məhəmməd peyğəmbər haqqında nə demişdi?
• "Burada heç kim xoşbəxt ola bilmir" - Kölgələr limanının sakinləri
• “Füyuzat” jurnalının 145-ci nömrəsi çap olundu