“Benzin” şeirini mənim adımdan paylaşan saytları məhkəməyə verəcəm.” Bu barədə Kulis.aza açıqlamasında müğənni Elza Seyidcahan bildirib.

O daha sonra əlavə edib ki, “Benzin” şerini yazmayıb, kimlərsə qəsdən onun adından bunu paylaşıblar: “Belə hallar dəfələrlə olub. Mənim adımdan şeir paylaşıblar, buna göz yummuşam, bu dəfə belə olmayacaq. Daha səbrim tükənib. Mən o səhifələri məhkəməyə verəcəm. Artıq vəkilimlə danışmışam, həmin saytlar məsuliyyətsizliyə görə qoy gəlib məhkəmədə cavab versinlər. Utanmırlar, mənim adıma iftira yaxılar, mənim adımla özlərinə oxucu qazanmaq istəyirlər. Belələri öz həyatında uğur qazana bilməyən adamlardı, mənim uğurlarımı qısqanırlar. Saytlar mənim adımdan şər-böhtan yazırlarsa ayıb olsun onlara.”

Elza Seyidcahan Facebookda onu tənqid edənlərə də münasibət bildirib: “Facebookda kimi tənqid etmirlər ki. Hamını tənqid edirlər. Buna da normal yanaşıram. Mən uğurlu bəstəkaram, uğurlu şairəm, uğurlu müğənniyəm, uğurlu fotomodeləm, uğurlu aktrisayam, uğurlu anayam, uğurlu qayınanayam, uğurlu nənəyəm, qeyrətli Azərbaycan qadınıyam. Facebbokdakı o kişilərin yerinə utanıram ki, qeyrətli bir Azərbaycan qadınını tənqid etməklə təsəlli tapırlar. Bəzi “qeyrətsiz” kişilər əlbəttə ki, qeyrətli Azərbaycan qadınını qısqanacaqlar. ”

Elza Seydicahan sonda onu da bildirib ki, şeirlərindən ibarət kitab hazırlanır. Bu yaxında çap olunacaq.

• Düsen Kaseinov: "Məhz o vaxt mənə Heydər Əliyevlə görüşmək nəsib oldu"
• "Onlar filosof yox, sosial media fenomenləridir" - Əli Novruzov
• Məşhur tarixçi saxlanıldı - Prezidenti təhqir etdiyinə görə