Oktyabrın 26-da "Libraff" kitab mağazasında "Hər bir autizmli uşağın bilməyinizi istədiyi on fakt" kitabının təqdimatı olub.

APA xəbər verir ki, kitab ingilis dilindən Azərbaycan dilinə tərcümə olunub. Kitabın tərcüməçisi Pərviz Talıblı, ixtisas redaktoru klinik psixoloq Narınc Rüstəmovadır.

Müəllifi Ellen Notbohm olan kitab "TEAS Press" Nəşriyyat Evində nəşr olunub.

N. Rüstəmova bildirib ki, Azərbaycanda belə bir kitabın olması çox vacibdir. O qeyd edib ki, kitabın müəllifi öz övladında olan problemlə bağlı yazmağa başlayan anadır: " Bu kitabın digərlərindən fərqi odur ki, kitab nə elmi, nə də bədii kitabdır. Övladı autist olan ananın dilindən yazdığı bir kitabdır. İlk dəfə övladına autizm diaqnozu qoyulanda ananın yaşadığı hisslər, sonda qalib olması öz əksini tapıb. Kitabda autist birinin psixoloqla, mütəxəssislərlə iş aparılarsa, belə uşağın necə uğur qazanacağı göstərilir. Kitab göstərir ki, bir insan istəyərsə, ruhdan düşmədən, erkən diaqnozla bu, yaxşı nəticələnə bilər".

Narkoloji Mərkəzin direktoru, psixiatr Araz Manuçehri də kitab haqqında fikirlərini bildirib: “Autizmlə ilk tanışlığından danışıb, xəstəlik barədə məlumat verib”.

• Quduzluğa yoluxub vəfat edən yetim dahi - Qırmızı ölümün hökmranlığı
• İrem Derici səhnədə yıxıldı
• Serdar Ortaça tələb olunan cəza açıqlandı