Yaradıcılıq Fondunun gənc yazarlar üçün ekskursiyası FOTO

Yaradıcılıq Fondunun gənc yazarlar üçün ekskursiyası FOTO
14 sentyabr 2015
# 13:10

Mədəniyyət və Turizm Nazirliyi, Azərbaycan Yaradıcılıq Fondunun birgə həyata keçirdiyi “Qafqaz Albaniyasına səyahət” layihəsi çərçivəsində Prezident Yanında Bilik Fondu və Azərbaycan Yaradıcılıq Fondunun təşkilatçılığı ilə gənc yazarların və media nümayəndələrinin Oğuz-Qəbələ rayonlarına ekskursiyası təşkil olunub.

Azərbaycan Yaradıcılıq Fondunun mətbuat xidmətindən APA-ya verilən məlumata görə, ekskursiya çərçivəsində Prezident Yanında Bilik Fondunun Oğuz rayonu üzrə Bilik evinə, Qafqaz Albaniyası məbədləri-Müqəddəs Yelisey Bazilikasına, Kərimli kənd kurqanlarına, Calut kəndinə, Qəbələ rayon Nic kəndindəki sinaqoqa səfər edilib.

Səfər zamanı Oğuz rayon Bilik evində layihə iştirakçılarının görüşü keçirilib. Tədbirdə çıxış edən Bilik Fondunun Oğuz rayon nümayəndəsi Anar Məcidov, Yaradıcılıq Fondunun aparat rəhbəri Qismət Rüstəmov və fondun bölgə üzrə nümayəndəsi Cəlil Cavanşir Bilik evinin fəaliyyəti, yaxın gələcəkdə həyata keçirilməsi nəzərdə tutulan layihələri haqqında məlumat verib.

Qeyd olunub ki, Bilik evində gənclərin maarifləndirilməsi, Azərbaycanda mövcud olan multikultural dəyərlərin təbliği, müxtəlif peşə sahələrini təmsil edən gənclərin ixtisaslarının inkişafı, bədii yaradıcılıq imkanlarının genişləndirilməsi üzrə təlimlər həyata keçiriləcək.

Bilik evində Bilik Fondunun dəstəyi ilə oxucu klubu, kitabxana, konfrans zalı, tədris otağı, kino zalı fəaliyyət göstərir.

Tədbirdə tarix elmləri doktoru, professor Məhəbbət Paşayeva, Udin icmasının sədri Robert Mobili çıxış edərək millətlərarası, multikulturalizm və dini məsələlər üzrə dövlət müşaviri, akademik Kamal Abdullanın bölgədə mövcud olan milli azlıqların birgə yaşayış mədəniyyəti, multikultural ab-hava haqqında düşüncələri və görüləcək işlər ətrafında fikir mübadiləsi aparıblar.

Qeyd edək ki, sözügedən layihə çərçivəsində müxtəlif bölgələrə mütəmadi səfərlər təşkil ediləcək.

# 1463 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
#
#
# # #