“Xətayi” xalçasının təqdimatı olub

“Xətayi” xalçasının təqdimatı olub
5 aprel 2018
# 09:52

Azərbaycan Xalça Muzeyində “Bakı xalçaları. Yeni çeşnilər” kitabının təqdimatı, yeni hazırlanmış xalça və çeşnilərdən ibarət sərgi keçirilib.

APA-nın xəbərinə görə, tədbir Mədəniyyət və Turizm Nazirliyi, Heydər Əliyev Fondunun “Regional İnkişaf” İctimai Birliyi (RİİB), Azərbaycan Xalça Muzeyi və Zirə Mədəniyyət Mərkəzi – Eko-Parkın təşkilatçılığı ilə baş tutub.

Bildirilib ki, RİİB və Zirə Mədəniyyət Mərkəzi – Eko-Parkın həyata keçirdiyi “Bakı xalçaları. Yeni çeşnilər” layihəsi çərçivəsində Bakı qrupuna aid yeni 29 xalça çeşnisi tərtib olunub. Bunların əsasında xalçalar toxunub, “Bakı Xalçaları. Yeni çeşnilər” adlı kitab hazırlanıb.

“Bakı Xalçaları. Yeni çeşnilər” adlı kitabda Bakı kəndlərinin tətbiqi sənət tarixi, klassik sənətkarlıq ənənələri, yeni yaradılan çeşnilər, Bakı xalçaçılıq qrupu haqqında məlumatlar əksini tapıb. Kitab ölkənin görkəmli xalça mütəxəssisləri və sənətşünaslarının iştirakı ilə tərtib edilib. Burada Azərbaycanın xalçaçılıq sənəti, klassik Bakı xalçaları, xüsusilə yeni yaradılmış xalça çeşniləri haqqında geniş məlumat verilir.

Mədəniyyət və turizm naziri Əbülfəs Qarayev bildirib ki, Azərbaycan xalça məktəbi qədim tarixə malikdir: "Azərbaycan xalçaları, Azərbaycan muğamı, Azərbaycan mətbəxi bu gün ölkədə hüdudlarından kənarda tanınır. Bu işdə Azərbaycanın Birinci vitse - prezidenti Mehriban Əliyevanın böyük xidmətləri var. Mehriban xanımın, Heydər Əliyev Fondunun təşəbbüsü ilə 2015-ci ildə Zirə Mədəniyyət Mərkəzi – Eko-Park yaradılıb. Mərkəzin fəaliyyət istiqamətlərinə Zirə Xalça Muzeyi, Xalça Tədrisi Mərkəzi və Xalçaçılıq Müəssisəsi də daxildir. Bakının 32 qədim kəndi var. Artıq Bakının 29 kəndinə aid xalça çeşniləri “Bakı Xalçaları. Yeni çeşnilər” adlı kitabda yer alıb".

Nazir yerli sahibkarlara müraciət edib. Ə. Qarayev xarici ölkə muzeylərində saxlanılan Azərbaycan xalçalarının ölkəyə gətirilməsi prosesində sahibkarları fəal olmağa çağırıb: "Xaricdə müxtəlif kolleksiyalarda saxlanılan Azərbaycana məxsus xalçaların Heydər Əliyev Fondunun dəstəyi ilə ölkəmizə qaytarılması mədəniyyətimiz üçün böyük töhfədir. Azərbaycanın Qarabağ xalçaçılıq məktəbinin çox əhəmiyyətə malik olan daha bir xalçası bu gün vətənimizə qaytarılıb. Azərbaycan mədəniyyəti üçün böyük tarixi hadisə olan bu təşəbbüsə görə Azərbaycanın Birinci vitse-prezidenti Mehriban Əliyevaya təşəkkürümü bildirmək istərdim".

Daha sonra tədbir iştirakçıları yeni hazırlanmış xalça və çeşnilərdən ibarət sərgi, eyni zamanda XVII əsrə aid Qarabağın tanınmış “Xətayi” xalçası ilə tanış olublar. "Xətayi" xalçası Azərbaycan xalçaları içərisində özünəməxsus yer tutur. Bu xalçalar vaxtilə Qarabağda toxunub və İpək Yolu vasitəsilə xarici ölkələrə daşınıb və ölkədə belə xalçalardan qalmayıb. "Xətayi" xalçası Heydər Əliyev Fondu tərəfindən muzeyə verilən ikinci hədiyyədir. 2017-ci ildə Heydər Əliyev Fondunun dəstəyi ilə ölkəmizə gətirilən XVIII əsrə aid qədim Şirvan tikmə nümunəsi də Xalça Muzeyinə təqdim edilib.

“Bakı xalçaları. Yeni çeşnilər” sərgisi aprelin 15-dək davam edəcək.

# 1819 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
#
#
# # #