Bu yaxınlarda “Qələm” nəşriyyatının məktəbəqədər dərs vəsaiti “Mən düzgün yazıram” kitab seriyaları çap olundu. Dərslik vəsaitində dini simvolların yer alması reaksiyalar doğurdu.

“Qələm” nəşriyyatının sahibi Pərviz Əyyubov Kulis.Aza açıqlamasında bunları dedi:

“Qələm” nəşriyyatı müstəqil bir nəşriyyatdır. Biz dərslik vəsaitlərindən əlavə uşaq ədəbiyyatı nümunələri də çap edirik. Yanlış bir məlumat yayılmışdı ki, biz dini kitablar yayımlayırıq. Dini kitablar 5-dən çox olmaz bizim nəşriyyatda. Qaldı ki, məktəbəqədər dərslik vəsaitlərindəki dini simvollara. Yenə dediyim kimi, biz müstəqilik. Nazirliyin təsdiqi ilə olsaydı bu kitablar, biz yığışdırardıq. “Mən düzgün yazıram” müstəqil bir işimizdir. Bunu qəbahət kimi görənlər, özləri bilərlər. Ancaq biz dini təbliğat aparmırıq və son vaxtlar dini ədəbiyyat buraxmırıq. Xatırladım ki, “Qələm” nəşriyyatında Elçin Hüseynbəylinin “Don Juan” romanı da uşaqlar üçün çap edilib. “Don Juan” romanı da başdan-ayağa erotikadır. 5-10 faiz dini kitablarımız var, vəssalam. Azərbaycan ədəbiyyatında uşaq ədəbiyyatı çox az oxunub. Biz nəşriyyat olaraq bu məsələni həll etmək istəyirik. Azərbaycan yazarlarının, adını çəkdiyim Elçin Hüseynbəylinin əsərlərini uşaqlar üçün uyğunlaşdırırıq. Uşaq ədəbiyyatından sonra böyüklər üçün də kitablar çap etməyi düşünürük. Məktəbəqədər dərslik vəsaitlərimiz isə bizə məxsusdur. Mən o kitablarda kilsəni də qoya bilərəm, lap elə xaçı da qoya bilərəm. Bu problem deyil. Amma düzünü deyim, araqla seks rəsmi qoymaram”.

• Övladları güllələndi, soyuqdan öldü, itkin düşdü... - Rəsulzadənin həyat yoldaşının faciəvi taleyi
• Budapeştdə qədim Roma məzarı tapıldı
• Azərbaycan və Çin teatrları əməkdaşlığa başlayır