Prezident Anara məktub göndərib – MƏTN

Prezident Anara məktub göndərib – MƏTN
13 mart 2018
# 17:20

Azərbaycan prezidenti İlham Əliyev Azərbaycan Yazıçılar Birliyinin sədri xalq yazıçısı Anarı 80 illiyi münasibətilə təbrik edib.

APA-nın məlumatına görə, dövlət başçısının məktubunda deyilir:

“Hörmətli Anar müəllim! Sizi – Azərbaycanın görkəmli yazıçısını və tanınmış ictimai xadimini anadan olmağınızın 80 illiyi münasibətilə ürəkdən təbrik edirəm. Sizə cansağlığı, yeni yaradıcılıq uğurları və gələcək fəaliyyətinizdə müvəffəqiyyətlər arzulayıram. Sizin istedadlı nasir, publisist və dramaturq olaraq çoxəsrlik ənənələrə malik ədəbiyyatımızın daha da zənginləşməsində müstəsna xidmətləriniz var. Ən müxtəlif janrlarda qələmə aldığınız əsərlərdə Siz söz sənətkarlarına məxsus yüksək məharətlə müasirlərimizin mənəvi aləminin dolğun təsvirinə nail olmuş, ardıcıl ədəbi-fəlsəfi axtarışlarınızla bədii fikrimizin yeni inkişaf mərhələsinin yaradıcılarından biri kimi səmərəli fəaliyyət göstərmisiniz.

Mövzu aktuallığı, üslub fərdiliyi, dil səlisliyi və dərin həyatiliyi ilə səciyyələnərək yüksək əxlaqi keyfiyyətlər aşılayan nəsr əsərlərinizin geniş oxucu auditoriyasının zövqünün formalaşmasında təsiri təqdirəlayiqdir. Daim rəğbətlə qarşılanan səhnə əsərləriniz və dahi şəxsiyyətlərimizin ömür yolunu özünəməxsus parlaq boyalarla canlandıran kinossenariləriniz şöhrətinizi daha da artırmışdır. Hər biri uzunmüddətli araşdırmanın məhsulu olub ədəbi-mədəni fikir tariximizin bütün məqamlarını ehtiva edən məqalə və esseləriniz intellektual potensialınızın aydın təzahürüdür.

Dilimizin saflığının qorunması uğrunda mübarizə yaradıcılığınızın mühüm istiqamətlərindən birini təşkil etmişdir. Xalqımızın böyük sənətkarlarının övladı olmaqla yeni tarixi şəraitdə azərbaycançılıq məfkurəsinin inkişafında xidmətləriniz danılmazdır.

Azərbaycan Yazıçılar Birliyinin sədri vəzifəsində Siz otuz ildən bəri uğurla çalışmaqdasınız. Ümidvaram ki, ölkəmizin mədəni-ictimai həyatında bundan sonra da fəal iştirakınızla gənc ədəbi nəslin milli ideyalara bağlılıq ruhunda yetişməsi üçün bilik və bacarığınızı əsirgəməyəcəksiniz”.

# 1420 dəfə oxunub

Oxşar xəbərlər

Azərbaycanlı yazıçı-şairləri hər fürsətdə alçaltmağa çalışanların məqsədi nədir? - Vüqar Van

Azərbaycanlı yazıçı-şairləri hər fürsətdə alçaltmağa çalışanların məqsədi nədir? - Vüqar Van

11:54 16 iyun 2025
Məşhur aktyor vəfat etdi

Məşhur aktyor vəfat etdi

10:24 16 iyun 2025
Bu gün hər şey o romandakı kimi olacaq - "Blum günü"

Bu gün hər şey o romandakı kimi olacaq - "Blum günü"

10:00 16 iyun 2025
15 iyun -  Gələcəyə gedən yol

15 iyun - Gələcəyə gedən yol

13:24 15 iyun 2025
Şair Vaqif Bayatlı Odərin 75 illiyinə həsr olunmuş tədbir keçirildi

Şair Vaqif Bayatlı Odərin 75 illiyinə həsr olunmuş tədbir keçirildi

22:05 14 iyun 2025
İran haqlıdır, yoxsa İsrail? - Müharibəyə sevinənlərin səhvi

İran haqlıdır, yoxsa İsrail? - Müharibəyə sevinənlərin səhvi

15:39 14 iyun 2025
#
#
# # #