Patrik Modianonun “Seçilmiş əsərləri”, Ernesto Çe Gevaronun “Boliviya gündəliyi” və “Azәrbaycanın enerji siyasәti Qәrb mәtbuatında” kitabları Azərbaycan Respublikasının Nazirlər Kabineti yanında Tərcümə Mərkəzinin “Açıq Kitab” elektron kitabxanasına yerləşdirilib. Tərcümə Mərkəzinin mətbuat xidmətindən Kulisə verilən məlumata görə həmin kitablar yaxın vaxtlarda nəşr olunacaq.
2014-cü ilin ədəbiyyat üzrə Nobel mükafatçısı Partik Modianonun “Seçilmiş əsərləri” nasirin Azərbaycan dilinə tərcümə edilən ilk iri həcmli əsərlər toplusudur. Əsərləri dilimizə İ. Əlfi, M. Qarayev, E. Başkeçid tərcümə edib.
Ernesto Çe Gevaronun “Boliviya gündəliyi” –Kuba azadlıq inqilabının simvolu Çe Gevaronun yarımçıq qalmış ömrünün son on bir ayından – qəhrəman inqilabçının və onun silahdaşlarının Boliviyanın azadlığı uğrunda apardıqları ölüm-dirim mübarizəsindən bəhs edir. Əsəri dilimizə Rövşən Ramizoğlu tərcümə edib.
“Azәrbaycanın enerji siyasәti Qәrb mәtbuatında” – kitabda son illәr Qәrb mәtbuatında Azәrbaycanın enerji siyasәti, neft və qaz strategiyası, Xəzərin enerji resurslarının dünyaya çatdırılmasında kəmərlərin rolu ilə bağlı dәrc olunmuş analitik yazılar, mətn və məqalələr yer alır.
Kitabları www.achiqkitab.az saytından oxuya bilərsiz.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər