Türkiyənin məşhur ali təhsil ocaqlarından olan Mərmərə Universitetində zaman-zaman Azərbaycan ziyalıları ilə görüşlər, Azərbaycanla bağlı mütəmadi tədbirlər həyata keçirilir.
Bu görüşlərin biri də Dünya Gənc Türk Yazarlar Birliyinin başqanı, şair-publisist İntiqam Yaşarla baş tutub.
Kulis.az xəbər verir ki, Mərmərə Universiteti İnsan və Cəmiyyət Elmləri Fakültəsinin Türk Dili və Ədəbiyyatı Bölümünün Yeni Türk Ədəbiyyatı kafedrası tərəfindən təşkil edilən “Türk Dünyasında Yeni Nəslin Ədəbi və Mədəni Əlaqələri” adlı görüşdə universitetin professor-müəllim heyətindən Prof. Dr. Mehmet Aça (Marmara Üniversitesi, İnsan və Cəmiyyət Elmləri Fakültəsi, Türk Dili və Ədəbiyyatı Bölümünün müdiri), Prof. Dr. Bâki Asiltürk (Marmara Üniversitesi, Türk Dili və Ədəbiyyatı Bölümü, Yeni Türk Ədəbiyyatı Anabilim Dalının müdiri), Dos. Dr. Mehdi Genceli(Marmara Üniversitesi, Türk Dili və Ədəbiyyatı Bölümü, müəllim üzvü) və tələbələr iştirak edib.
Görüşdə İntiqam Yaşar Türk dünyasının yeni nəsil yazarları arasında ədəbi əlaqələrin mövcud durumu, Dünya Gənc Türk Yazarlar Birliyinin Türk dünyasını əhatə edən layihələrindən bəhs edib.
Diskusiyya şəraitində keçirilən görüşdə qonaq auditoriyanın suallarını cavablandırıb və şeirlərini oxuyub.
Tədbirin sonunda İntiqam Yaşara Mərmərə Universitetinin diplomu təqdim olunub və kollektiv foto çəkilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
