Türkiyədə antik teatr günəş enerjisi ilə işıqlandırılacaq

Media

Ana səhifə
Media

Türkiyədə antik teatr günəş enerjisi ilə işıqlandırılacaq

27 avqust 2026

16:30

Türkiyənin Muğla şəhərinin Seydikəmər ərazisində yerləşən və 2023-cü ildə başlanılan hərtərəfli bərpa işləri tamamlanan Tlos antik şəhər teatrında günəş enerji sistemi vasitəsilə teatrın gecə işıqlandırılması təmin olunacaq.

Kulis.az xəbər verir ki, bu haqda Türkiyənin mədəniyyət və turizm naziri Mehmet Nuri Ersoy sosial şəbəkə hesabında məlumat yayıb.

O, tarixi abidənin memarlıq bütövlüyünün və müxtəlif tarixi mərhələlərinin böyük səylə qorunduğunu, eyni zamanda Tlos antik şəhərində ilk dəfə belə bir ekoloji layihənin həyata keçirildiyini bildirib.

Mədəniyyət və Turizm Nazirliyi, Muğla Valiliyi və Akdeniz Universitetinin dəstəyi ilə Prof. Dr. Taner Korkutun rəhbərliyi altında həyata keçirilən layihə həm mədəni irsin qorunmasına, həm də regionda gecə muzeyçiliyi təcrübəsinin inkişafına töhfə verməyi hədəfləyir.

Günəş enerjisi ilə işıqlandırılan antik teatr ziyarətçilərə axşam saatlarında da bənzərsiz atmosfer bəxş edəcək.