Oktyabrın 14-də Gürcüstanın paytaxtında 4-cü “Tbilisi Etno Fest” yaradıcılıq sərgisi açılıb.

Kulis.az xəbər verir ki, sərgidə Gürcüstan, Ukrayna, Bolqarıstan, Çexiya və digər ölkələrin rəngkarlıq işləri üzrə ixtisaslaşmış şirkət və mütəxəssislərdən ibarət qrupları iştirak edirlər.

Ölkəmizi bu sərgidə “Pirşah” şirkəti təmsil edir.

“Pirşah” şirkəti sərgidə Azərbaycan sənət ustalarının toxuculuq, rəngkarlıq işlərindən ibarət məhsullar təqdim edib.

Eyni zamanda, sərgi çərçivəsində boyama, toxuculuq, rəngkarlıq və sair işlər üzrə ustad dərsləri təşkil olunub.

Azərbaycanlı mütəxəssis Könül Hüseynova iştirakçılar üçün ustad dərsi keçib. K.Hüseynova kəlağayı üstündə boya işləri, milli ornamentlərin təsvirinin düzgün verilməsi və digər sənətkarlıq işləri ilə bağlı təcrübəsini bölüşüb, iştirakçıları maraqlandıran sualları cavablandırıb.

Sərgini ziyarət edən insanlar Azərbaycan pavilyonuna xüsusi maraq göstəriblər.

Başqa ölkələrdən gələn sənət ustaları, mütəxəssislər də Azərbaycan pavilyonunu ziyarət ediblər.

Azərbaycanın Gürcüstandakı səfirliyinin müşaviri Sərxan İsmayılov sərgidə olub, Azərbaycanın sənət ustalarının qayğıları ilə maraqlanıb, onlara səfirlik adından lazımi dəstək göstərib.

Sərgi oktyabrın 16-dək davam edəcək.

• Məşhur serial əsasında film çəkiləcək
• “Cinema Talks” panel müzakirəsi aparılıb
• Rus Dilinə Qarşı Qərəz: Əsl Səbəb Nədir? - Ayaz Salayev