Amerikanın "Starz" kabel kanalı 2010-cu ildən 2013-cü ilə qədər yayımlanan "Spartak" serialının davamı hazırlayır.
Kulis.az xəbər verir ki, "Spartak" yaradıcısı Stiven S. DeKnight orijinal seriyanı genişləndirəcəyini və yeni layihənin ssenarisini yazacağını bildirib.
"Spartak" Romada qulların və qladiatorların ən böyük üsyanlarından birinin lideri olan Spartakın hekayəsindən bəhs edir. İlk sezonu 2010-cu ilin yanvarında yayımlanan serial qısa zamanda tamaşaçılar arasında populyarlıq qazanıb. Lakin baş rol ifaçısı Endi Whitfieldin səhhətində yaranan problemə görə ikinci sezonun istehsalı gecikib. Aktyora müalicə üçün vaxt verilib və o vaxta qədər"Spartak: Arena Tanrıları" prekvel mini-serialını çəkmək qərara alınıb. Lakin Whitfieldin xəstəliyi tezliklə qayıdıb. Akatyor 2011-ci ildə vəfat edib. "Spartak: İntiqam" və "Spartak: Lənətlənmişlərin müharibəsi" adlı növbəti iki mövsümdə isə Liam Makintayr baş rol alıb.
"The Hollywood Reporter"in verdiyi məlumata görə, qarşıdan gələn davam serialı qul ordusunun məğlubiyyətinin nəticələrini təsvir edəcək: "Onun süjeti xəyanətin, hiylənin və qanın məşum kölgəsində baş verən yeni hekayəyə həsr olunacaq".
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
