İkinci Qarabağ müharibəsində şəhid olan Murad Nağıyevə həsr olunmuş “Murad” adlı kitabın təqdimatı keçirilib.

Kulis.az xəbər verir ki, şəhidin həyat və döyüş yolundan bəhs edən, ailəsinin, dostlarının, döyüş yoldaşlarının, müəllimlərinin Murad Nağıyevlə bağlı xatirələrini bölüşdüyü, şəhidin müəllifi olduğu şeirlərin də daxil edildiyi “Murad” kitabının təqdimatı keçirilib.

Təqdimat dövlət himni və Şəhidlərimizin xatirəsinə bir dəqiqəlik sükutla başlayıb. Daha sonra Murad Nağıyevin həyatını əks etdirən qısa videolent təqdim olunub. Şəhidin qardaşı, orta məktəbdə və AAHM-də ona dərs demiş müəllimləri və döyüş yoldaşları söz alaraq xatirələrini bölüşüblər.

Kitabın redaktoru, tədbirə dəvət olunan bir qrup ziyalı və millət vəkilləri duyğularını paylaşıblar. Şəhidin “Fikrim hey ondadır” şeirinə bəstələnən musiqi səsləndirildikdən sonra Murad Nağıyevin təhsil aldığı məktəbin şagirdləri onun şeirlərini söyləyiblər.

Murad Mayıl oğlu Nağıyev 9 fevral 1997-ci ildə Qazax rayonunda anadan olub. 2003-2011-ci illərdə Sabunçu rayonu, Bakıxanov qəsəbəsində 271 nömrəli tam orta məktəbdə təhsil alıb. 2011-ci ildə Cəmşid Naxçıvanski adına Hərbi Liseyə qəbul imtahanlarında iştirak edib və burada yüksək nəticə göstərdiyinə görə İstanbulda Kuleli Hərbi Liseyinə seçilib. 2015-ci ildə həmin liseyi uğurla başa vurub və Ankarada Quru Qoşunları Məktəbinə daxil olub. Murad Nağıyev 2016-cı ildə Azərbaycana qayıdıb və təhsilini Heydər Əliyev adına Azərbaycan Ali Hərbi Məktəbində (AAHM) davam etdirib. O, 2020-ci ildə oradan tank bölmə, hissə və birləşmələrin döyüşə tətbiqi ixtisası üzrə məzun olub.

44 günlük Vətən müharibəsində misilsiz qəhrəmanlıqlar göstərən Şəhid leytenant Murad Nağıyev Horadiz kəndinin alınmasında şücaət göstərmiş, Füzuli, Cəbrayıl, Hadrut və Zəngilanın düşmən işğalından azad edilməsində fəal iştirak edərək düşmənin strateji əhəmiyyətli obyektlərini, çoxsaylı texnikasını və canlı qüvvəsini məhv etmişdir. 11 oktyabr 2020-ci ildə Cəbrayıl rayonu uğrunda gedən döyüşlərdə şəhid olmuşdur. İkinci Fəxri xiyabanda dəfn olunan leytenant Murad Nağıyev şəhadətindən sonra “Vətən uğrunda” və “Cəbrayılın azad olunmasına görə” medalları ilə təltif olunmuşdur.

Şəhid Murad Nağıyev eyni zamanda vətənpərvər şeirlər müəllifi idi. Şəhidin cəbhədə olarkən yazdığı, həmin vaxt içində olduğu ikiləmi dilə gətirdiyi “Fikrim hey ondadır” şeiri məni xüsusilə duyğulandırdı. Murad Nağıyev Vətəni və sevdikləri arasındakı bu

Üstün zəkasına və riyaziyyatdan yüksək nəticələr göstərdiyinə görə hərbi liseydəki müəllimləri Murad Nağıyevə “riyaziyyat dahisi” adını vermişdilər.

• "Güc və inam insanın daxilindən qaynaqlanır..." - Anna Freyddən sitatlar
• 77 illik cinayətin sirri yenidən açıldı – Fransanın ən nüfuzlu ədəbi mükafatı ona verildi
• "Onun sayəsində Latın Amerikasında heç kim əvvəlki kimi yazmağa davam edə bilmir" - Söhbət hansı yazıçıdan gedir?