"Şaxta Baba haradadır?" tamaşasının premyerası keçirildi

"Şaxta Baba haradadır?" tamaşasının premyerası keçirildi
28 dekabr 2024
# 16:39

Dekabrın 27-də Azərbaycan Dövlət Kukla Teatrında sənət ocağının həssas qruplardan olan uşaqlara bayram sovqatı “Şaxta Baba haradadır?” tamaşasının premyerası oldu.

Kulis.az xəbər verir ki, hər il olduğu kimi, bu il də premyeranın ilk qonaqları Vətən müharibəsi şəhid və qazilərinin övladları, eləcə də, əllliyi olan uşaqlar oldu.

Onlar əvvəlcə kuklaçıların Müstəqil “Oyuq” Uşaq Teatrı yetirmələri ilə birgə oyunun məhsulu olan tamaşaya baxdılar, ardınca bayram hədiyyələrini aldılar.

Qeyd edək ki, birhissəli uşaq tamaşasının (azərbaycan dilində) səhnələşdirəni və quruluşçu rejissoru Saida Haqverdiyeva, quruluşçu rəssamı İqbal Əliyevdir.

Tamaşada personajları (kukla və canlı plan olmaqla) teatrın aktyorları Aygül Ağayeva, Səriyyə Mansurova, Cavid Telman, Elnur Xəlilov, Araz Həsənli, Elxan İsmayılov, Könül Nəsibova, Vüqar İsmayılov, Səbinə Məmmədova və digərləri canlandırırlar.

Musiqi tərtibatlı tamaşanın əsas ideyası uşaqları nağıllar aləminə aparmaqla onların bu sehr dolu dünya ilə təmasına nail olmaqdır.

Səhnə əsərində cərəyan edən hadisələr ümumilikdə əyləncəli məzmun kəsb etsə də burada əsas mahiyyət balaca tamaşaçılara xeyirxahlıq, dürüstlük, özünə inam və ətrafa sevgi aşılamaqla onları bəd əməllərdən, pislik və paxıllıqdan uzaq saxlamaqdır.

Bir saatlıq səhnə işində milli və dünya klassik nağıl qəhrəmanları, az qala, hamımıza tanış personajlar bir səhnədə toplaşaraq şənliyə gedərkən yolunu itirib, sıx meşənin dərinliklərində azan Şaxta Babanı axtarır, arabir bu işə tamaşaçıları da sövq edirlər.

# 1412 dəfə oxunub

Oxşar xəbərlər

Məşhur türk aktrisa vəfat etdi

Məşhur türk aktrisa vəfat etdi

10:14 14 yanvar 2025
Siqaret, yay ortasında ölüm və bulmaca - Mirmehdi Ağaoğlu

Siqaret, yay ortasında ölüm və bulmaca - Mirmehdi Ağaoğlu

09:32 14 yanvar 2025
İnqilabçı, leninçi, millətçi və "xalq düşməni" - Ermənilər ondan nə istəyirdi?

İnqilabçı, leninçi, millətçi və "xalq düşməni" - Ermənilər ondan nə istəyirdi?

18:30 13 yanvar 2025
Azərbaycanlı müğənni qəfil vəfat etdi

Azərbaycanlı müğənni qəfil vəfat etdi

16:36 13 yanvar 2025
Yanğından zərər çəkənlərə 2,5 milyonluq yardım etdi

Yanğından zərər çəkənlərə 2,5 milyonluq yardım etdi

16:24 13 yanvar 2025
London, Moskva, Roma, Tokio... - Dünya tarixində baş vermiş ən böyük 9 yanğın

London, Moskva, Roma, Tokio... - Dünya tarixində baş vermiş ən böyük 9 yanğın

16:20 13 yanvar 2025
# # #