Şahzadə Diana 31 avqust 1997-ci ildə Parisdə baş verən avtomobil qəzasında həlak olub. Cəmi 36 yaşında dünyasını dəyişən Diana milyonlarla insanın yaddaşında faciəli ölümü ilə iz qoyub.
Kulis.az xəbər verir ki, qəza həmin gecə Parisin Pont de l'Alma tunelində baş verib. Diananın olduğu avtomobil baryerlərə çırpılıb. Sürücü Anri Pol və şahzadənin yaxın dostu Dodi Fayed hadisə yerində həyatını itiriblər.
O gecə hadisə yerinə ilk çatanlardan biri yanğınsöndürən Ksavye Qurmelon olub. O, şahzadənin son anlarının şahidi olduğunu bildirərək deyib:
“Arxa oturacaqda oturan sarışın qadının kimliyindən xəbərsiz idim. Huşu yerində idi, danışa bilirdi. Onun əlini tutub sakitləşməsini istədim. Bir müddət sonra ürək tutması keçirdi. Ürəyini masaj etdim və qısa müddət sonra yenidən nəfəs aldı. Ambulansa aparılanda sağ idi, amma xəstəxanada vəfat etdi. Həmin gecə hələ də yadımdan çıxmır”.
Diananın qəzası barədə xəbər alan paparazzilər dərhal hadisə yerinə axışaraq kömək etmək əvəzinə şahzadəni çəkməyə çalışıblar. Onların bu hərəkəti cəmiyyətdə böyük qəzəb doğurub və uzun müddət müzakirə mövzusu olub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər