Tanınmış uşaq yazarı, Azərbaycan Yazıçılar Birliyinin üzvü Vüqar Haqverdiyevin "Saçları səməni oğlan" uşaq pyesi əsasında Məmməd Tağı Sidqi adına Naxçıvan Dövlət Kukla Teatrında yeni tamaşa hazırlanıb. Tamaşanın quruluşçu rejissoru və bədii rəhbəri Respublikanın Xalq artisti Şirzad Abutalıbovdur.
Kulis.az xəbər verir ki, sözügedən səhnə əsəri kiçikyaşlı uşaqlar üçün nəzərdə tutulub və xalqımızın milli bayramı Novruza həsr olunub. Müasirliyi, orijinal və maraqlı süjet xətti ilə seçilən tamaşada yeni milli nağıl qəhrəmanları yer alıb və xalqımızın mədəniyyətinin, milli adət-ənənələrinin təbliği, uşaqların milli-mənəvi və bəşəri dəyərlər ruhunda böyüməsi əsas məqsəd kimi önə çəkilib.
Tamaşa 2022-ci il 22-24 mart tarixlərində Naxçıvan Dövlət Kukla Teatrının səhnəsində nümayiş olunacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər