Bakıdakı “Rus Evi” (Rossotrudniçestvo) loqosundan istifadə etməklə saxta “sənədlər” hazırlanaraq yayılması barədə açıqlama yayıb.

“Rus Evi”: Bu “sənədlər” reallığı əks etdirmir”

Kulis.az-ın məlumatına görə, mərkəzin sosial media ünvanlarında yayılan məlumatda qeyd olunub ki, son günlər internet resurslarında ““Rus Evi”nin qanunsuz olaraq mənimsənilmiş rəmzləri ilə yalan məlumatlar və saxta sənədlər yayılıb”: “ Bu cür sənədlər arasında Bakıda “Rus Evi”ndə rus dili kursu keçdiyi deyilən şəxslərin, o cümlədən Azərbaycanın dövlət məmurlarının adları da qeyd olunur. Bu “sənədlər” reallığı əks etdirmir”.

“Rus Evi” qeyd edib ki, mərkəzin rəsmi resurslarından kənar yayılan hər hansı məlumat saxtadır.

“Sənədlərin saxtalaşdırılması cinayət məsuliyyətinə səbəb olur”.

“Bu saxta məlumatlara məhəl qoymamağınız xahiş olunur”- deyə, məlumatda qeyd olunub.

“Rus Evi”, həmçinin, təşkilatla bağlı saxta sənədlərin yayılmasının və loqolarından istifadənin dərhal dayandırılmasını tələb edib: “Simvollardan qanunsuz istifadə, sənədlərin saxtalaşdırılması və yalan məlumatların yayılması məsuliyyətə, o cümlədən cinayət məsuliyyətinə səbəb olur”.

“Rus Evi” özünün internet media resurslarını və sosial şəbəkə səhifələrini də da bir daha xatırladıb.

Saxta məlumat nədən ibarət idi?

Xüsusi xidmət orqanlarının sifarişi ilə çalışan, xaricdə yerləşən youtube kanalı vasitəsilə son günlər “Rus evi” adından saxta sənəd hazırlanıb yayılıb. “Məlumat” Azərbaycan Prezidentinin köməkçisi Hikmət Hacıyevlə bağlı olub. “Rus Evi” isə son açıqlamasında bu tipli məlumatların yayılması barədə məlumatlı olduğunu qeyd edib və məlumatı təkzib edib.

Almaniya bu kanalların fəaliyyətinə niyə icazə verir?

Belə saxta sənədlər yayan youtube kanallar Almaniyada bağlanıblar. Məlumata görə, hətta Almaniya hüquq-mühafizə orqanları saxta məlumatı tirajlayanlarla bağlı cinayət işi açıb. “Youtube”nin qaydalarına görə də saxta məlumatlar bloklanıb, silinir. Məhz buna görə də youtube bu cür məlumatları silib. Lakin Almaniya hökuməti Azərbaycan xalqına və dövlətinə qarşı informasiya diversiyası aparanları himayə edir. Onları qoruyur və saxta məlumat tirajlamalrı üçün şərait yaradır. APA

• "O, mənə evini bağışladı..." - Rəsulzadənin nəvəsinin əsərlərinin qorunduğu Xəzər muzeyindən reportaj
• "Vüqar Biləcəri onu Hüseyn Cavidlə müqayisə etdiyinizi bilsəydi..." - Görəsən, meyxanaçılar bizdən inciməz ki?
• Məşhur rejissor yeni layihə ilə ekranlara qayıdır