12 dekabr 2024-cü il tarixində müasir Azərbaycan Respublikasının qurucusu ümummilli lider Heydər Əliyevin vəfatının ildönümü ilə əlaqədar Firudin bəy Köçərli adına Respublika Uşaq Kitabxanasında anım mərasimi keçirilib.

Kulis.az xəbər verir ki, tədbirdə 164 nömrəli məktəbin şagird və müəllim kollektivi iştirak edib.

Öncə dahi şəxsiyyət, görkəmli lider Heydər Əliyevin xatirəsi bir dəqiqəlik sükütla yad edilib. Sonra kitabxananın əməkdaşı tərəfindən ömrünün sonuna qədər xalqı üçün çalışan və hərkəsin xatirində əvəzsiz xidmətləri ilə əbədiləşən ümummilli liderin həyat, fəaliyyət istiqamətlərini əks etdirən “Ulu Öndər Heydər Əliyevin İrsini Anma” adlı prezentasiya təqdim edilib, məktəblilərlə interaktiv sual-cavab sessiyası təşkil olunub.

Tədbirdə çıxış edən kitabxananın əməkdaşı, Heydər Əliyevin Azərbaycanın dövlətçiliyi tarixində əvəzsiz xidmətlərindən söhbət açaraq, Ulu Öndərin həm müstəqilliyimizin qorunub saxlanılmasında, həm də dövlətçiliyimizin möhkəmləndirilməsindəki tarixi rolundan bəhs edib. O, ümummilli lider Heydər Əliyevin müasir Azərbaycan dövlətinin xilaskarı kimi xalqımızın qəlbində daima yaşayacağını söyləyib.

Tədbirin keçirilməsində məqsəd məktəblilərə Heydər Əliyev irsini tanıtmaqdır.

• Azərbaycanlı dirijor Çində
• "O mənim gözümdə müdrik insandır" - Kamal Abdulla
• Yazmaq kimə və nəyə lazımdır?