Norveç Nobel Komitəsi 2023-cü il Nobel Sülh Mükafatına 305 namizədin irəli sürüldüyünü açıqlayıb.

Kulis.az xəbər verir ki, Osloda yerləşən Norveç Nobel Komitəsi namizədlik müraciətlərinin başa çatdığını elan edib. Komitənin fevralın 1-nə olan məlumatına görə, mükafata namizədlərin sayının 305 nəfərdir. 2019-cu ildən bəri qeydə alınan ən aşağı nominasiya sayı olduğunu açıqlayıb. Son 8 ildə mükafata namizədlərin sayı 300-ü keçdiyi halda, 2016-cı il 376 namizədlə ən çox namizədin qeydə alındığı il olub.

Nobel Sülh Mükafatına namizədliyi irəli sürülmüş şəxslərin adları və namizədlik məlumatları komitə tərəfindən 50 il ərzində məxfi saxlanıldığı halda, mükafatı irəli sürməyə səlahiyyətli şəxslər və təşkilatlar öz namizədliklərini ictimaiyyətlə paylaşa bilərlər.

Məsələn, Norveçin Yaşıllar Partiyasından olan deputat Lan Marie Nquyen Berq, iqlim fəalları Qreta Tunberq və Vanessa Nakateni 2023-cü il Nobel Sülh Mükafatına namizəd göstərdiklərini açıqladı. Bir qrup dövlət başçıları, siyasətçilər, universitet professorları və xarici əlaqələr təşkilatlarının direktorları mükafata namizədlər irəli sürə bilərlər.

Mükafat öz sahiblərini dekabrın 10-da Norveçin paytaxtı Osloda keçirilən mərasimdə tapır.

2022-ci il Nobel Sülh Mükafatını Belarusyadan olan insan hüquqlarının müdafiəçisi Ales Bialiatski və Rusiya və Ukraynadan olan insan haqları təşkilatları olan "Memorial və Vətəndaş Azadlıqları Mərkəzi", 2021-ci il Nobel Sülh Mükafatını isə Filippin və Rusiyada söz azadlığı uğrunda mübarizə aparan jurnalistlər Mariya Ressa və Dmitri Muratov qazanıb.

Qeyd edək ki, Kovid-19 epidemiyası səbəbindən 2020 və 2021-ci illərdə mükafatlandırma mərasimləri keçirilməyib.

• İndi məkan və zaman yalnız bu dünyanın İlon Maskları tərəfindən qurulur - Laslo Krasnahorkainin Nobel nitqi
• Məcnunu yandırıb-yaxan, Kərəmi alışdıran səs - Fəxri adı olmayan Qulu Əsgərov
• Bi­zi sonsuz xəyallara qərq edən qüvvə - Sərgərdan və məzəli həyatın sonu