Müasir ingilis romanlarının qurucularından biri - Tomas Hardi

Müasir ingilis romanlarının qurucularından biri - Tomas Hardi
11 yanvar 2024
# 12:05

Bu gün görkəmli yazıçı Tomas Hardinin anım günüdür.

Kulis.az-ın məlumatına görə, Tomas Hardi 2 iyun 1840-cı ildə İngiltərənin Dorçester şəhərində dülgər ailəsində dünyaya gəlib. İlk təhsilini kənd məktəbində alıb, daha sonra təhsilini Dorçesterdəki məktəbdə davam edib. Gənclik illərində Latın və yunan klassiklərini oxuyan Hardi Dorçesterdə yeni açılan akademiyaya daxil olub. Bir müddət kilsə təmirçisi olan memarın yanında işlədikdən sonra rahib olmağa qərar verib. Bu ixtisas üzrə çoxlu kitablar oxuyub.1862-ci ildə Londona köçərək məşhur bir memarın yanında işləməyə başlayıb.

Uşaqlığından şeir yazan Hardi sonradan roman janrına üstünlük verib və ilk romanı olan "Yoxsul adam və xanım" əsərini 1868-ci ildə tamamlayıb.Tənqidi üslublu və sosializm dünyagörüşlü olduğundan naşirlər əsəri nəşr etməkdən imtina ediblər. Hardinin nəşr olunan ilk kitabı "Ümidsiz çarələr" romanıdır. Kitab 1871-ci ildə imzasız nəşr olunub. Bundan sonra onun "Dəfnə ağacı altında" kitabı çap olunub.

Tomas Hardi əsərlərindəki müşahidə qabiliyyəti, incə yumoru və həssas izahatı ilə fərqlənir. Bununla yanaşı o, bəzi romanlarında doğulub-böyüdüyü Dorset bölgəsinin təbiətini və insanlarını təsvir edir. Əvvəllər Desseks adlandırılan bu bölgənin sənayeləşmə ilə bərabər üzləşdiyi dəyişkənliyi əsərlərində hüznlü bir üslubla təsvir edir. Hardinin imzasız olaraq bir dərgidə çap etdirdiyi "Çılğın izdihamdan uzaq" adlı əsəri böyük maraq doğurduqdan sonra, özünü bütünlüklə ədəbiyyata həsr edib.1878-1895-ci illərdə yazdığı "Yuvaya dönüş", "Trompet başçısı", "Tess" və "Üsyankar qəlblər" romanları ilə məşhurluq qazanıb. Viktoriya dövrünün mühafizəkar dəyər mühakimələrinə qarşı çıxdığı bu romanlara görə çoxlu sayda tənqidlərə məruz qalıb. Bu səbəbdən yenidən şeir yazmağa başlayan Hardi 1898-ci ildə daha öncə yazmış olduğu şeirləri də birləşdirərək "Vesseks şeirləri" kitabını nəşr etdirib. Sonradan romanları əsasında filmlər çəkilən Tomas Hardi müasir ingilis romanının qurucularından sayılır.

# 1100 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
# # #