#

Milli Muğam Müsabiqəsi başlayır

Milli Muğam Müsabiqəsi başlayır
3 mart 2023
# 10:30

Heydər Əliyev Fondunun təşəbbüsü ilə növbəti Milli Muğam Müsabiqəsi başlayır.

Kulis.az xəbər verir ki, Heydər Əliyev Fondu və Mədəniyyət Nazirliyinin təşkilatçılığı, Elm və Təhsil Nazirliyinin, Azərbaycan Milli Konservatoriyasının dəstəyi ilə keçirilən müsabiqə 2023-cü il aprelin 24-dən 27-dək baş tutacaq.

Milli Muğam Müsabiqəsinə qeydiyyat aprelin 10-dək aparılacaq. Musiqi yarışmasında yaşı 18-dən 35-dək olan xanəndə və instrumental ifaçılar iştirak edə bilər. Qeydiyyat zamanı hər iştirakçı muğam ənənəsinin zənginliyi və rəngarəngliyini əks etdirən solo və müşayiətlə canlı ifa edəcəyi proqram barədə məlumat təqdim etməlidir. İştirak ərizələri elektron formatda [email protected] ünvanına göndərilməlidir. Ərizədə iştirakçının adı, soyadı, doğum tarixi, əlaqə nömrələri, elektron poçt ünvanı, yaradıcılığı və ifa edəcəyi proqram barədə məlumat, müşayiət edən heyət üzvlərinin adları qeyd olunmalıdır. Ətraflı məlumat üçün WhatsApp nömrələri: (070) 233 73 78, (070) 663 80 80.

Müsabiqə ilkin seçim və iki əsas turdan ibarət olacaq. Yarışmaya vəsiqə qazanan iştirakçılar aprelin 20-də elan ediləcək. Yarışmanın 1-ci turu aprelin 24-25-i, 2-ci turu isə aprelin 26-27-si keçiriləcək.

Aprelin 27-də xanəndə və instrumental ifa kateqoriyaları üzrə qaliblər seçiləcək. Xanəndə və instrumental kateqoriyalarında 1, 2 və 3-cü yerin hər bir qalibi müvafiq olaraq 7 000, 5 000 və 3 000 AZN mükafat qazanacaq.

Milli Muğam Müsabiqəsinin qalibləri ölkəmizi “Muğam aləmi” 6-cı Beynəlxalq Muğam Festivalında təmsil edəcək.

Son illər Azərbaycanda muğamın qorunması və inkişafı istiqamətində fundamental işlər görülüb. Heydər Əliyev Fondunun prezidenti Mehriban Əliyevanın milli mədəniyyətimizə, muğam sənətinə göstərdiyi dəstəyin və bu istiqamətdə aparılan işlərin nəticəsidir ki, Azərbaycan muğamları 2008-ci ildə UNESCO-nun Bəşəriyyətin Qeyri-maddi İrsi üzrə Reprezentativ Siyahısına daxil edilib.

Xatırladaq ki, Heydər Əliyev Fondunun təşəbbüsü ilə 2009-cu ildən milli muğam müsabiqələri və beynəlxalq muğam festivalları təşkil olunur. Bu layihələr milli sərvətimiz olan muğamı dünya mədəniyyəti kontekstində bir daha nümayiş etdirmək və yaşatmaq məqsədi daşıyır.

# 414 dəfə oxunub

Oxşar xəbərlər

Daxmada ailə quran, oğlunun verdiyi xəbərdən dünyasını dəyişən, ölümü həyat yoldaşından axıracan gizlədilən Xalq şairi

Daxmada ailə quran, oğlunun verdiyi xəbərdən dünyasını dəyişən, ölümü həyat yoldaşından axıracan gizlədilən Xalq şairi

21:00 1 aprel 2023
Kənddə sədr olan general – Nadir Yalçın yazır...

Kənddə sədr olan general – Nadir Yalçın yazır...

16:00 1 aprel 2023
Nikol Kidman yeni seriala çəkilir

Nikol Kidman yeni seriala çəkilir

13:55 1 aprel 2023
“Yarımçıq qalmış” tamaşası nümayiş ediləcək

“Yarımçıq qalmış” tamaşası nümayiş ediləcək

11:05 1 aprel 2023
Çörək qırıntıları ilə böyüdü, musiqiçiləri müharibədən saxladı,  erməni terrorunda həlak oldu – Böyük bəstəkarımızın faciəvi həyatı

Çörək qırıntıları ilə böyüdü, musiqiçiləri müharibədən saxladı,  erməni terrorunda həlak oldu – Böyük bəstəkarımızın faciəvi həyatı

21:00 31 mart 2023
"Saymadığın kinonu niyə təmsil edirsən?" - Şeyx Əbdül Ayaz Salayevi sərt tənqid etdi

"Saymadığın kinonu niyə təmsil edirsən?" - Şeyx Əbdül Ayaz Salayevi sərt tənqid etdi

18:45 31 mart 2023
# # #