Mədəniyyət Nazirliyinin dəstəyi və Qlobal Sahibkarlıq Şəbəkəsi Azərbaycan İctimai Birliyinin (GEN Azerbaijan) təşkilatçılığı ilə Bakıda “Mədəniyyətdə Marketinq” adlı layihə yekunlaşıb.

Kulis.az xəbər verir ki, təlimlərdə dövlət və özəl mədəniyyət müəssisələrində çalışan, yaradıcı sənayelər sahəsində sahibkarlıq fəaliyyəti olan 30 mütəxəssis və sahə üzrə təhsil alan bakalavr və magistr tələbələri iştirak edib.

Layihə çərçivəsində peşəkar təlimçilər tərəfindən mədəniyyət marketinqi, brendin formalaşdırılması, məhsul menecmenti, sosial media marketinqi, sənət və strategiya, süni zəka alətləri, xalçaçılıqda biznes və digər mövzular üzrə ümumilikdə on təlim keçirilib. Qonaqlar mədəniyyət sektorunda marketinq strategiyalarının necə tətbiq olunacağını öyrənərək öz peşəkar bacarıqlarını inkişaf etdirmək imkanı əldə ediblər.

Təlimlərdən sonra, iştirakçılar qruplara bölünərək seçilmiş altı mədəniyyət müəssisəsi üçün marketinq planları hazırlayıb və həmin planların təqdimatını reallaşdırıb.

Sonda iştirakçılar sertifikata layiq görülüb.

• İlk süni intellekt albomu işıq üzü görüb
• Akademiya fələstinli rejissordan üzr istəyib
• 2200 illik qızıl mədəni kəşfi - Məcburi əmək