Luvr muzeyində noyabrın sonunda yaşanan su sızıntısı nəticəsində yüzlərlə elmi nəşr və arxiv sənədi ziyan görüb.
Kulis.az xəbər verir ki, sızıntı muzeyin Misir şöbəsinin yerləşdiyi “Molien” bölməsində baş verib.
Rəsmi açıqlamada bildirilib ki, XIX əsrin sonu – XX əsrin əvvəllərinə aid misirşünaslıq jurnalları və tədqiqat materialları da daxil olmaqla, 300–400 arxiv sənədi su altında qalıb.
Muzey rəhbərliyi kolleksiyadakı unikal artefaktların təhlükədə olmadığını, bütün zədələnmiş materialların qurudulub restavrasiya olunacağını qeyd edib.
Sızıntıya istilik və havalandırma sistemindəki köhnə klapanın təsadüfən açılması səbəb göstərilir. Qeyd olunur ki, muzey bu sistemi bir neçə ay əvvəl tamamilə dayandırmışdı və onun 2026-cı ildə yenilənməsi planlaşdırılır. Hadisə ilə bağlı daxili araşdırma aparılır.
Xatırladaq ki, oktyabr ayında da Luvrdan dəyəri 100 milyon dollardan çox olan zinət əşyaları oğurlanmışdı.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
