"Kino çəkilmir, ortada normal iş yoxdur. Nə etməliyəm, oturub gözləməliyəm?"
Bu sözləri kolbasa reklamına çəkilən Xalq artisti Rasim Balayev deyib.
Sosial şəbəkələrdə, sənət adamları tərəfindən birmənalı qarşılanmayan reklam çarxı haqqında "Kulis"ə danışan Xalq artistinin sözlərinə görə, dünyanın hər yerində ulduzlar reklamlara çəkilir və beləcə, pul qazanır:
"Başa düşmədim, necə yəni, yaxşı qarşılanmayıb? Tənqid edirlər, qoy etsinlər. Əsas odur ki, mənim işimə qarışmasınlar. Reklamdır da, bütün dünya ulduzları reklama çəkilir və bundan pul qazanır. Bizdə olanda nə olar ki? Buna görə kiməsə məsləhət vermək lazım deyil. Bunun kimə nə dəxli var?"
O qeyd edib ki, reklam çarxına məcburiyyətdən çəkilib:
"Kino çəkilmir, ortada normal iş yoxdur. Nə etməliyəm, oturub gözləməliyəm? Məcburam ki, bu cür işlərlə başımı qatım. Reklama çəkilməyimin səbəbi maddiyatla da bağlı deyil. Sadəcə, kinoda istifadə edilən avadanlıqlar üçün darıxmışam. Kino da yoxdur deyə, məcburuq, reklama-zada çəkilək..."
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər