Türkiyənin İstanbul şəhərinin Türk və İslam Əsərləri Muzeyində Azərbaycanın XVII-XVIII əsrlərə aid saray xalçalarının sərgisi açılıb.
Kulis.az xarici mediaya xəbər verir ki, “Təsəvvüfdən biçimə: Toxuma sənətində müqəddəs həndəsə” mövzusunda açılan sərgidə ABŞ vətəndaşı Əmir Oskoueinin şəxsi kolleksiyasından 18 unikal xalça və bədii tikmə nümayiş olunur.
Sənət əsərləri sırasında dünyada məşhur “Əfşan”, “Qoca”, “Xətai” (“Əjdahalı”) kompozisiyalı saray xalıları da yer alır.
Sərginin açılış mərasimində Türkiyənin dövlət rəsmiləri, Türkiyə Böyük Millət Məclisinin deputatı, Türkiyə-Azərbaycan parlamentlərarası dostluq qrupunun rəhbəri Şamil Ayrım, Əmir Oskouei və sənətsevərlər iştirak ediblər.
Mərasimdə çıxış edənlər Azərbaycan-Türkiyə birliyi, Vətən müharibəsi nəticəsində əldə edilən şanlı Zəfər, sülh sazişinə gedən yol haqqında danışıb, bu kimi tədbirlərin Azərbaycan mədəniyyətinin daha geniş ictimaiyyətə çatdırılmasının əhəmiyyətini vurğulayıblar.
Sonra sərgiyə baxış keçirilib.
Qeyd edək ki, sərgi 2026-cı il martın 25-dək davam edəcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
