“Bütün dillər tarixdəki böyük "dil darboğazı"ndan keçib”.
Kulis.az xəbər verir ki, bu ifadə "Science" jurnalında yayımlanan yeni araşdırmada qeyd edilib.
Araşdırmanın nəticəsinə görə, 1000–3000 il əvvəl on minlərlə dilin mövcud olduğu "qızıl çağ" yaşansa da, böyük dövlətlərin ərazilərini genişləndirməsi və məcburi asimilyasiyanın təsiri ilə dil sayı sürətlə azalıb.
Tədqiqatçılar hazırda yaşayan 171 ibtidai icmanın dil müxtəlifliyini təhlil ediblər və bu məlumatlardan istifadə edərək təxminən 12 min il əvvəl, son buzlaşma dövründən sonra yer üzündə neçə dilin danışıldığını hesablayıblar.
Məlum olub ki, həmin dövrdə dünya əhalisi 7 milyonun altında olduğu halda yer üzündə təxminən 4 min 500-6 min 200 fərqli dildə danışılıb.
Tədqiqatçılar hazırda dünyada 7500-ə yaxın dilin danışıldığını, lakin bunlardan 3300-dən çoxunun yox olma təhlükəsi ilə üz-üzə qaldığını bildiriblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
