Kulis.az “Heyvanlar dünyanı necə görür?” adlı maraqlı məlumatı diqqətinizə çatdırır.

İt

İnsan gözünün tor qişasında üç növ rəngə həssas konus hüceyrəsi olduğu halda, itin tor qişasında yalnız iki növ konus hüceyrəsi var. Buna görə də itlər yalnız qəhvəyi, sarı və mavi rəngləri qəbul edə bilirlər. Yəni, məşhur inancın əksinə olaraq dünyanı ağ-qara görmürlər. Onların gözləri bir qədər yana meylli olduğu üçün insanlardan daha geniş periferik baxış sahəsinə malikdirlər.

Pişik

Pişiklərin gözlərini qorumaq üçün içəridə başqa bir göz qapağı var. Rəngləri görə bilirlər. Onların rəng qavrayışı rəng korunun rəng qavrayışına bənzəyir; pişiklər mavi və yaşıl çalarları görə bilirlər, lakin qırmızı və çəhrayı rəngləri ayırd etməkdə bir qədər çətinlik çəkirlər. Onların gözlərində gecə ov üçün istifadə olunan “tapetum lucidum” da var. Bu təbəqə gözün arxasına düşən işığı tor qişaya əks etdirdiyi üçün gecə mövcud olan işığın miqdarını iki qat artırır və gecə daha rahat görmələrini təmin edir. İnsan gözü işıqlı mühitdə daha yaxşı görə bildiyi halda, pişiklər zəif işıqda və qaranlıqda daha çox üstünlüklərə malikdir.

Quş

Quşlar insanların aşkar edə bilmədiyi ultrabənövşəyi şüaları təyin etmək qabiliyyətinə malikdirlər. Bundan əlavə, güclü göz əzələləri onlara yalnız müəyyən bir yerə diqqət yetirməyə imkan verir. Qartal 2,5 km məsafədən qarla örtülü ərazidə ağ dovşanı asanlıqla görür və ovlayır. Gözləri teleskop kimi işləyir. Onlar yüksək kontrast həssaslığına malikdirlər. Quşların da ikiqat torlu qişası var.

Milçək

Milçəklərin gözlərində yüz minlərlə mikroskopik linza var. Onlar ultrabənövşəyi şüaları görə bilirlər, amma uzağı qavraya bilmirlər. Həmçinin, piksel-piksel gördükləri üçün hər şeyi yavaş hərəkətdə müşahidə edirlər.

İlan

İlanların üz çuxurlarında istilik sensorları var. Həmin sensorların sayəsində onlar gecə vaxtı ovlarının bədən istiliyinin yaydığı infraqırmızı şüaları aşkar edə bilirlər. Bu həssaslıq o qədər böyükdür ki, ovlarının ayaq izlərindən çıxan istiliyi çox uzaqdan aşkar edərək ovlarını izləyə bilirlər.

Köpək balığı

Köpək balıqları suda gördüklərini aydın şəkildə ayırd edə bilsələr də, onlar üçün dünya sadəcə ağ-qaradır. Lakin kiçik balıqlar ultrabənövşəyi şüalarla ətrafda qırmızı, yaşıl və mavi rəngləri görürlər.

Siçan

Nəhayət, siçanlar dünyanı bulanıq və yavaş hərəkətli görürlər. Bu məməlinin bizdən ən böyük fərqi odur ki, onun hər gözü bir-birindən müstəqil hərəkət etdiyi üçün müxtəlif bucaqlardan baxaraq gözləri ilə hər yeri eyni anda qavraya bilir.

• “Müasir incəsənətdə Göbəklitəpə” adlı sərgi açıldı
• "Təbiətin səsi" adlı sərgi keçiriləcək
• Mədəniyyət Nazirlərinin 2-ci Yüksək Səviyyəli Görüşü keçirildi