Bu gün görkəmli hind yazıçı, Nobel mükafatı laureatı Rabindranat Taqorun anım günüdür.

Kulis.az onun aforizmlərini təqdim edir.

- Keçmiş illərin xarabalıqlarında bir kədərli səs yuva salmışdır.

- Günəş getdi deyə ağlayarsan, göz yaşların ulduzları görməyə mane olar.

- Kəpənək ayları deyil, anları sayar və onun belə kifayət qədər zamanı var.

- Günəşə arxanı çevirmə , kölgən önünə düşər.

- Yuva yatan quşları qoruduğu kimi, sükut da sənin səsini qoruyur.

- Heç bir əhəmiyyət daşımayan sözlərim zamanın dalğaları üstündə yüngülcə rəqs edə bilərlər, məna ilə ağırlaşdıqlarında dibə çökərlər.

- Buludlar çayları su ilə doldurub özləri uzaq dağların arxasında gizlənir.

- Bu dünya gözəlliyin musiqisi ilə ram edilən coşqun fırtınalar dünyasıdır.

- Ey qadın! Sənin gülüşün dirilik bulağının nəğməsidir.

- Mümkün qeyri-mümkündən soruşar: «Sən harada yaşayırsan?» O cavab verər: «Acizin yuxularında».

- Qoy gülü görməyə gözləri olanlar tikanı da görsünlər

- Ayaq üstə dayanıb suya baxaraq dənizi keçə bilməzsiniz.

- Çınqıl daşlarını kamala çatdıran çəkic zərbələri deyil, suyun oxşayışıdır.

- Doğulan uşaqlar Tanrının hələ insanlardan ümidini kəsmədiyini göstərir.

- Dünyanı səhv oxuyar, sonra da bizi aldadır deyərik.

• Nonna Vinnitskaya: "Çingiz Abdullayev mənim xəstəm olub" - Müsahibə
• Tanınmış aktyor "Həqiqi detektiv"in baş rolunda
• "Milli rəqsin mesajları" layihəsi təqdim edildi