Gənclərin roman müsabiqəsi 2 - Mükafatlandırma

Gənclərin roman müsabiqəsi 2 - Mükafatlandırma
17 dekabr 2024
# 18:13

“Gənclərin roman müsabiqəsi –2”nin mükafatlandırma mərasimi və “TEAS Press” Nəşriyyat Evinin 10 illik hesabat tədbiri keçirilib.

Kulis.az xəbər verir ki, dekabrın 17-də “LİBRAFF”ın “Park Akademiya” filialında keçirilən tədbirdə ictimai xadimlər, ədəbiyyatşünaslar, şairlər, yazıçılar, media nümayəndələri və kitab bloggerləri iştirak ediblər.

Təşkilatçılar qeyd ediblər ki, “TEAS Press” Nəşriyyat Evinin bu layihəni həyata keçirməkdə əsas məqsədi ölkəmizdə milli ədəbiyyatın zənginləşdirilməsindən, ümumbəşəri dəyərləri təbliğ edən mövzuların roman janrı vasitəsilə oxuculara çatdırılmasından və ədəbi rəqabət mühitinin inkişafına təkan verərək, yeni imzaların üzə çıxmasına şərait yaratmaqdan ibarətdir.

Daha sonra “TEAS Press” Nəşriyyat Evinin gənc yazıçılara dəstək məqsədilə təşkil etdiyi “Gənclərin roman müsabiqəsi – 2”nin mükafatlandırma mərasimi keçirilib. Gənc yazıçılar tərəfindən təqdim olunan əsərlər 4 ay ərzində peşəkar münsiflər heyəti tərəfindən oxunaraq qiymətləndirilib və əvvəlcədən elan edilmiş meyarlara uyğun gələn ilk üç roman qalib elan olunub.

Həmin əsərlər bunlardır:

I yer – Həsənli Orxan “Hürr”

II yer – Zahidov Vasif “Sonuncu istintaq”

III yer – Abbasov Mahir “Şərin qürubu”.

Qaliblər müsabiqənin şərtlərinə uyğun aşağıdakı qaydada mükafatlandırılıblar:

– I yerin sahibi – 3000 (üç min) AZN pul mükafatı

– II yerin sahibi – 2000 (iki min) AZN pul mükafatı

– III yerin sahibi – 1500 (min beş yüz) AZN pul mükafatı.

Bununla yanaşı, birinci yeri tutan əsərin ˝TEAS Press˝ Nəşriyyat evi tərəfindən çapı və “LIBRAFF” kitab mağazaları şəbəkəsində təqdimatı həyata keçiriləcək.

“TEAS Press˝ Nəşriyyat Evinin 10 illik hesabat təqdimatı da nümayiş etdirilib.

Tədbirdə çıxış edən qonaqlar “TEAS Press”in fəaliyyətini və bu müsabiqənin əhəmiyyətini yüksək qiymətləndiriblər.

# 1182 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
# # #