“Azərbaycan şairləri İranə Qasımova ilə” layihəsinin dördüncü ədəbi gecəsi keçirilib. Gecənin qəhrəmanı şair Eldar Cahangirbəyov olub.
Kulis.az xəbər verir ki, Azərbaycan Yazıçılar Birliyinin üzvü İranə Qasımova layihəyə 2024-cü ilin iyunundan başlayıb və hər tədbir bir müasir Azərbaycan şairinin yaradıcılığına həsr olunur. Eldar Cahangirbəyov istedadlı gənc şair, poeziya gecələrinin təşkilatçısı, “İranə Qasımova ilə Poetry battle” layihəsinin dəfələrlə qalibidir.
Tədbirin əvvəlində memar, rəssam və art-layihələrin kuratoru Nurziya Xəlilova şairlə müsahibə aparıb. Daha sonra Eldar Cahangirbəyov öz əsərlərini tamaşaçılar qarşısında səsləndirib. Axşamın qəhrəmanının şeirlərini digər şair və qiraətçilər – Səidə Sübhi, İlmira Odinayeva, Leyla Qurbanova, Aleks Cahangirbəyov da səsləndiriblər.
İranə Qasımova bir neçə şeir toplusunun müəllifi, “Qızıl qələm” mükafatının laureatı, rejissor, ssenarist, “İranə Qasımova ilə Açıq Poeziya Mikrofonu”, “İranə Qasımova ilə Poetry Battle”, “İranə Qasımova ilə poeziya klassikası” kimi məşhur layihələrinin müəllifidir. O, Bakı ilə yanaşı, İstanbul, Moskva, Sankt-Peterburq və Tbilisidə solo poeziya gecələri keçirib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər