400 illik yazılı söz tarixi olan Laçın rayonunun şair, nasir və aşıqlarının yaradıcılığından toplanan nümunələrin olduğu "Ədəbi antologiya" çapdan çıxıb.

Kulis.az xəbər verir ki, ədəbi nümunələri toplayan və tərtib edən şair İlham Qəhrəmandır.

Oxucular kitabda müasir söz adamları ilə bərabər, həm də tərtibçinin araşdırıb üzə çıxartdığı XVII, XVIII və XIX əsrlərdə yaşayıb-yaratmış bir çox laçınlı şair və aşığın əsərləri ilə tanış ola biləcəklər. Tərtibçinin bir illik gərgin əməyinin bəhrəsi kimi müxtəlif mənbələrə müraciət edərək hazırladığı kitab Laçın rayonunun söz xəritəsi kimi 98 müəllifi əhatə edir.

• “Fransa kinosu günləri”nin son nümayişi keçirilib
• “Şizofreniyanın diaqnozu olan əsərlər var” – Tanınmış rəssamın evindən reportaj
• "Mollalıq edirdi, on bir qadını vardı..." - Səməd Vurğunu əks-inqilabçı adlandıran repressiya qurbanı

Laçın şəhərinin salınmasının 100 illiyi (1924-2024) münasibətilə tərtib edilən antologiya geniş oxucu kütləsi üçün nəzərdə tutulub.

Antologiyada Sarı Aşıq, Aşıq Alı (Suvatlı) kimi el aşıqları ilə yanaşı, Şərif Ağayar, Fəxri Uğurlu, Müşfiq Şükürlü kimi müasir qələm adamlarının da yaradıcılığına müraciət olunub.

• “Fransa kinosu günləri”nin son nümayişi keçirilib
• “Şizofreniyanın diaqnozu olan əsərlər var” – Tanınmış rəssamın evindən reportaj
• "Mollalıq edirdi, on bir qadını vardı..." - Səməd Vurğunu əks-inqilabçı adlandıran repressiya qurbanı