Bu il ARKA-ya ayrılmış vəsaitdən qalan pul gələn il necə xərclənəcək? - Nazirlik açıqladı

Bu il ARKA-ya ayrılmış vəsaitdən qalan pul gələn il necə xərclənəcək? - Nazirlik açıqladı
12 noyabr 2025
# 15:05

Nazirlik bu il ARKA-ya ayrılmış vəsaitdən qalan pulun gələn il necə xərclənəcəyini açıqlayıb


Mədəniyyət Nazirliyi 2025-ci ildə Azərbaycan Kino Agentliyinə ayrılan 8,5 milyon manat vəsaitdən qalan 5 milyon vəsaitin gələn il necə xərclənəcəyini açıqlayıb.

Kulis.az APA-ya istinadən xəbər verir ki, bu barədə Mədəniyyət Nazirliyindən bildirilib.

Qeyd olunub ki, qalan məbləğin xərclənməsi konkret prioritet istiqamətlər üzrə planlaşdırılıb: "Vəsaitin bir hissəsi bu il üzrə “Dövlət dəstəyi ilə istehsal ediləcək film layihələri” müsabiqəsinin qaliblərinin filmlərinin çəkilişinə sərf olunacaq. Bundan əlavə, istehsalının yekun mərhələsində olan bir neçə filmin tamamlanması, “Baku Cinema Breeze” beynəlxalq festivalının maliyyələşdirilməsi, eləcə də “Nizami” kinoteatrının yayım infrastrukturunun yenilənməsi və bərpası da planlaşdırılan xərclər sırasındadır. Bu tədbirlər milli kino sektorunda davamlı inkişafın təmin olunmasına xidmət edir".

Xatırladaq ki, bu gün Milli Məclisin Gənclər və idman, İctimai birliklər və dini qurumlar, Mədəniyyət komitələrinin birgə iclasında maliyyə nazirinin müavini Himalay Məmişov bildirib ki, 2025-ci ildə Azərbaycan Kino Agentliyinə 8,5 milyon manat vəsait ayrılıb. O qeyd edib ki, indiyədək həmin vəsaitin 41 %-i, yəni 3,5 milyon manatı istifadə olunub: "Hələ 5 milyon manat istifadə olunmamış qalıq var. 2025-ci ilin əvvəlinə həmin qurumun 11,5 milyon manat istifadə olunmamış vəsaiti var. 2026-cı il üçün sifarişlər 12 milyon manatdır. Həmin qurumun əlində olan vəsaitlərin növbəti il üçün xərclərini ödəyəcəyini düşünürük".

# 1578 dəfə oxunub

Oxşar xəbərlər

Cadugərliyin faciələrlə dolu  tarixi... - 300 il ərzində əlli min qadın niyə yandırılmışdı?

Cadugərliyin faciələrlə dolu tarixi... - 300 il ərzində əlli min qadın niyə yandırılmışdı?

14:00 22 noyabr 2026
Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

10:00 22 noyabr 2026
Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
Ana səhifə Reels Yazarlar Xəbərlər