Bu gün Cəbrayıl Şəhəri Günüdür

Bu gün Cəbrayıl Şəhəri Günüdür
4 oktyabr 2024
# 12:15

Cəbrayıl şəhərinin işğaldan azad edilməsindən 4 il ötür.

Azərbaycan Ordusunun 2020-ci il sentyabrın 27-də başladığı əks-hücum nəticəsində aparılan uğurlu döyüş əməliyyatları ilə oktyabrın 4-də Cəbrayıl şəhəri erməni işğalından azad edilib.

Döyüşlərin ilk günündə cəbhəni yaran Azərbaycan Ordusu düşməni geri çəkilməyə məcbur edib. Bir neçə gün ərzində Cəbrayıl rayonunun xeyli kəndi işğaldan azad olunub. Cəbrayıl şəhərinin işğaldan azad edilməsini isə Azərbaycan Prezidenti, Ali Baş Komandan İlham Əliyev oktyabrın 4-də xalqa müraciətində elan edib. Prezident müraciətində oktyabrın 4-də Cəbrayıl şəhəri ilə yanaşı, Cəbrayıl rayonunun daha doqquz kəndinin - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Decal, Mahmudlu və Cəfərabadın işğalına da son qoyulduğunu bildirib. Cəbrayıl 44 günlük Vətən müharibəsində işğaldan azad edilən ilk rayon olub.

Cəbrayıl əməliyyatı nəticəsində Ermənistan ordusunun xeyli canlı qüvvəsi və texnikası məhv edilib.

Artıq 4 oktyabr Cəbrayılın işğaldan azad edildiyi gün kimi tarixə düşüb.

Azərbaycan Respublikasında “Cəbrayılın azad olunmasına görə” medalı təsis olunub. Prezident İlham Əliyevin sərəncamı ilə Cəbrayıl rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin hərbi qulluqçuları “Cəbrayılın azad olunmasına görə” medalı ilə təltif ediliblər.

Prezident İlham Əliyevin imzaladığı Sərəncamla 4 oktyabr – Cəbrayıl şəhəri günü kimi təsis edilib.

Xatırladaq ki, Cəbrayıl rayonu 1993-cü il avqustun 23-də Ermənistan Silahlı Qüvvələri tərəfindən işğal edilmişdi. Ermənilər işğal müddətində Cəbrayıl şəhərini və rayonun kəndlərini dağıdıb, mədəni, tarixi, dini abidələri, qəbiristanlıqları yerlə bir edib, ekoloji terror törədib.


# 1288 dəfə oxunub

Oxşar xəbərlər

Dünyanın ən böyük muzeyi: 950 otaq, 30000 əsər

Dünyanın ən böyük muzeyi: 950 otaq, 30000 əsər

13:51 15 sentyabr 2025
Eşqin tərifini verən yazıçı - Əlibala Hacızadə haqqında

Eşqin tərifini verən yazıçı - Əlibala Hacızadə haqqında

13:40 15 sentyabr 2025
Ankarada Üzeyir Hacıbəylinin irsinə həsr olunmuş təqdimat və konsert keçiriləcək

Ankarada Üzeyir Hacıbəylinin irsinə həsr olunmuş təqdimat və konsert keçiriləcək

12:50 15 sentyabr 2025
"Emmi" mükafatının qalibləri açıqlandı

"Emmi" mükafatının qalibləri açıqlandı

12:31 15 sentyabr 2025
Məcburi köçkünlərin "işğal" etdiyi evlər... - Səidə Bəkirqızının qaçqınlarla bağlı çıxışının məqsədi nə idi?

Məcburi köçkünlərin "işğal" etdiyi evlər... - Səidə Bəkirqızının qaçqınlarla bağlı çıxışının məqsədi nə idi?

12:00 15 sentyabr 2025
Xankəndi, Ağdərə və Xocalıda Bilik Günü qeyd olundu

Xankəndi, Ağdərə və Xocalıda Bilik Günü qeyd olundu

11:40 15 sentyabr 2025
#
#
Ana səhifə Yazarlar Bütün xəbərlər