Bakı Ağır Cinayətlər Məhkəməsində narkotik vasitələrin qanunsuz dövriyyəsində təqsirləndirilərək həbs olunan Sərəstan Bəşirovun cinayət işi üzrə məhkəmə prosesi keçirilib.
Kulis.az Lent.az-a istinadən xəbər verir ki, hakim Fərid Namazovun sədrliyi ilə keçirilən prosesdə şahidlər dindirilib. Şahidin ifadəsinə etiraz edən təqsirləndirilən şəxs şərləndiyini, ümumiyyətlə, narkotik maddə tanımadığını deyib.
İttihama görə, Sərəstan Bəşirov bu il aprelin 26-da Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşlarının keçirdiyi əməliyyat zamanı saxlanılıb. Üzərinə baxış keçirilərkən ondan külli miqdarda narkotik maddə aşkar edilərək götürülüb.
Xatırladaq ki, Sərəstan Bəşirov şairdir və Azərbaycan Yazıçılar Birliyinin üzvüdür. O, "Sərəstan Gur" imzası ilə müxtəlif media qurumlarında şeir və hekayələri ilə çıxış edib.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
