Avqustun 22-dən 29-dək Azərbaycan Turizm Bürosu tərəfindən Özbəkistanın Daşkənd, Qazaxıstanın Astana, Rusiyanın Moskva və Sankt-Peterburq, Belarusun Minsk şəhərində Azərbaycan turizminə həsr edilmiş silsilə tədbirlər təşkil edilib.

Kulis.az xəbər verir ki, təbliğat tədbirlərində ölkəmizi Azərbaycan Turizm Bürosu ilə birgə “Şahdağ” Turizm Mərkəzi daxil olmaqla, ümumilikdə 14 yerli tərəfdaş təmsil edib.

Tədbirlər çərçivəsində ikitərəfli əlaqələrin formalaşdırılması və genişləndirilməsi məqsədilə keçirilən B2B (Biznesdən biznesə) formatlı görüşlərdə ölkəmizin turizm imkanları, o cümlədən Bakı və Azərbaycanın regionları, yay və qış mövsümü haqqında məlumat təqdim olunub.

Bundan əlavə, xarici turizm sənayesi nümayəndələrinə Azərbaycanda mövcud olan sağlamlıq turizm obyektləri və müalicəvi kurortlar, dağ-xizək mərkəzləri, eləcə də digər turizm məhsulları haqqında ətraflı məlumat verilib.

Qeyd edək ki, 2024-cü ilin yanvar-iyul aylarında Özbəkistan, Qazaxıstan, Rusiya və Belarusdan ümumilikdə Azərbaycana 527 min 785 nəfər səfər edib ki, bu da ötən ilin eyni dövrü ilə müqayisədə 20 faizdən çox artımdır.

• Qəzənfər Paşayev: "Kiminsə acığına ədəbi həyatda özünüzü təsdiqə çalışmayın..." - Müzakirə - müsahibə
• "Bir erməninin Bakıda küçədən sərbəst keçməsi..." - Əsl sülh nə vaxt başlayır?
• Sabiq "Rolling Stones" üzvü oğurlanmış gitarasının muzeydə sərgiləndiyini iddia edir