Allahverdi Yolçuyev: "Məni işə götürdülər, Afaq Bəşirqızını yox"

Allahverdi Yolçuyev:  "Məni işə götürdülər, Afaq Bəşirqızını yox"
14 iyul 2023
# 18:16

“İctimai nəqliyyatdan istifadə edirəm, insanların arasında oluram. Tamaşaçılar məni görən kimi “Ovçu Pirim” deyə çağırırlar. Üzümü görməyib, səsimi tanıyanlar da olur. Bu xoşbəxtlik deyilmi?! Aktyor, ümumiyyətlə, seçilmiş adamdır. Düzdür, indi aktyorlar yox, vaynerlər gündəmdədir. Onların içərisində baxdıqlarım və bəyəndiklərim də var. Amma əksəriyyəti cılız işlərlə məşğuldur, insanları bayağı gülüşlə aldadırlar”.

Kulis.az xəbər verir ki, bu sözləri tanınmış aktyor Allahverdi Yolçuyev deyib. Sənətkar teatrdan uzaqlaşmağının da səbəbini açıqlayıb.

“Teatrdan uzaqlaşmağımın səbəbi var. Allah hamının övladını xoşbəxt etsin. Məni tanıyanlar bilir ki, ailəcanlı insanam. 4 qızım var. Oğulum olsaydı, onu işə göndərərdim. Amma qızla çətindir. Ailəmə görə el şənliklərinə üstünlük verdim. Maddi tərəfdən onları təmin etməli idim. Buna baxmayaraq, teatrda işləyirdim. Sonra gördüm ki, teatrla toylar uyğun gəlmir. Hələlik bir az fasilə vermək istəyirdim, gördüm ki, teatrdan uzaqlaşmışam. Sağ olsun Nicat Kazımov, yubileyimlə əlaqədar olaraq bir neçə il əvvəl mənim üçün tamaşa hazırladı”.

Tanınmış aktyor illər əvvəl baş verən bir hadisəni də bölüşüb.

“Afaq xanımla Sumqayıt Dövlət Dram Teatrında bir çalışmışıq. Onu çox istəyirik, xalqımızın sevimlisidir. Tərəf müqabili kimi o qədər bir-birimizə öyrəşmişdik ki. Bizim səhnələrimiz çox yaxşı alınırdı. Bir gün dedi ki, Sumqayıt uzaqdır, gedib-gəlirsən. Gedək Musiqili Teatra, mən danışmışam, ikimizi də işə götürəcəklər. O dövrdə qısqanclıqlar çox idi. Afaq xanımın o teatrda işləməsi bir çoxunun ulduzunun sönməsi demək idi. Ona görə də Afaq xanımı işə götürmədilər, məni isə xora götürdülər. Daha sonra haqq-ədalət öz yerini tapdı, Afaq xanım da ora gəldi”.

Sənətkar xəstəliyindən danışıb.

“Parkinson xəstəliyindən əziyyət çəkirəm. Müalicə alıram, amma müalicə də davamlı olmalıdır. Əlim əsir. Çəkilişlərdə, verilişlərə gedəndə əlimi gizlətməyə çalışıram. Amma yenə də mümkün deyil. Tam müalicəsi xaricdədir. Ora getməyə də pul lazımdır” .

Moderator.az

# 1669 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
# # #