Beynəlxalq Bakı Yay Caz Günlərinin ikinci günü də coşqulu keçib.

Kulis.az APA-ya istinadən xəbər verir ki, Heydər Əliyev Mərkəzində Bakı Yay Caz Günləri çərçivəsində məşhur caz pianoçu Alfredo Rodrigez çıxış edib. Kubalı cazmenin Bakı konserti musiqiçinin dünya turnesi çərçivəsində baş tutub.

Konsert musiqiçilərin dinamik improvizələri və tamaşaçıların coşqulu anları ilə yadda qalıb.

Alfredo Rodrigez ilk dəfə 2006-cı ildə İsveçrənin Montre şəhərində keçirilən nüfuzlu caz festivalında diqqəti özünə cəlb edib. O, buna ecazkar caz improvizasiyaları ilə nail ola bilib. Həmin vaxtdan Alfredo Rodrigez sərhədsiz potensiala malik pianoçu kimi tanınmağa başlayıb.

2009-cu ildə Alfredo Rodrigez Amerika Birləşmiş Ştatlarına köçür və burada - cazın vətənində onun məharəti diqqətdən kənarda qalmır. O, “caz-latın amerika musiqisi-klassika” üçbucağında aparıcı ifaçlardan birinə çevrilir.

Rodrigezə Esperansa Spolding, Makkoy Tayner, Patti Ostin, Riçard Bona, Ueyn Şorter kimi məşhur musiqiçilərlə birgə ifa etmək nəsib olur.

"Premier LTD" agentliyinin təşəbbüsü və təşkilatçılığı, Heydər Əliyev Mərkəzinin dəstəyi ilə keçirilən Beynəlxalq Bakı Yay Caz Günləri iyulun 7-nədək davam edəcək.

İyulun 5-də və 7-də isə Heydər Əliyev Mərkəzinin parkında açıq hava konsertləri keçiriləcək. Parkdakı konsertlərə giriş sərbəst olacaq.

• Geylər niyə sürətlə çoxalır?
• Azərbaycan Dövlət Pantomim Teatrı Qırğızıstanda qastrolda olub
• “Nizami: daxili aləm” filmi ilk dəfə mavi ekranda