Albaniya və Azərbaycan mədəni əlaqələri müzakirə edildi

Albaniya və Azərbaycan mədəni əlaqələri müzakirə edildi
4 sentyabr 2023
# 15:08

31 avqust – 3 sentyabr tarixlərində Albaniyanın Tirana şəhərində Azərbaycanın zəngin mədəniyyəti, kulinariyası və incəsənət inciləri Albaniya ictimaiyyətinə təqdim olunub.

Kulis.az xəbər verir ki, Mədəniyyət Nazirliyindən APA-ya verilən xəbərə görə, tədbirin ilk günündə Tirana Milli Muzeyində Ulu Öndər Heydər Əliyevin 100 illiyinə həsr edilmiş sərginin açılışı olub və Ümummilli liderin şərəfli həyat yolu, zəngin və çoxşaxəli irsi ziyarətçilərə təqdim edilib. Həmçinin Heydər Əliyev Fondunun “Tərəqqinin memarı” adlı fotosərgisi, Azərbaycan Milli İncəsənət Muzeyinin kolleksiyasından görkəmli rəssamlarımızın əsərləri və Azərbaycan Milli Xalça Muzeyinin kolleksiyasından əsrarəngiz xalçalar nümayiş olunub. Burada ziyarətçilər üçün VR - virtual reallıq qurğuları vasitəsilə Azərbaycanla virtual tanışlıq imkanı yaradılıb.

Eyni gündə Tirana şəhərinin İsgəndərbəy Meydanında Xalq artisti Fəxrəddin Kərimovun bədii rəhbərliyi altında Kamera Orkestrinin müşayiəti ilə Xalq artistləri Fidan Hacıyeva, Azər Zeynalov, Əməkdar artistlər Ramil Qasımov, İnarə Babayeva, Elvin Qəniyev, həmçinin Sədəf Budaqova və İbrahim Babayev ifasında milli musiqimizin inciləri tamaşaçılara təqdim olunub. Albaniya mədəniyyət naziri xanım Elva Margariti, Albaniyada akkreditə olunan xarici ölkə səfirləri və digər rəsmilər konserti izləyənlər arasında yer alıblar.

Növbəti gün “Natiq” ritm qrupu və “Mirvari” rəqs ansamblı rəngarəng proqramla çıxış ediblər. “Qavaldaş”, “Qarabağ”, “Yanardağ”, “Mehriban”, “Sarı gəlin” və s. kompozisiyalarını yerli auditoriya böyük coşqu ilə qarşılayıb, rəqslərə qoşulub. Musiqi və rəqslərimizin ecazkar çələngi ilə bərabər səhnədəki monitorda Azərbaycanın tarixi, coğrafiyası, milli xalçalarımız, şəbəkə sənəti, İçərişəhər, Şuşa və Cıdır düzünün görüntüləri izləyicilərin böyük marağına səbəb olub.

Tədbirin son günündə Tirananın Reja The Could pavilyonunda Azərbaycan kino sənətinin əvəzsiz incilərindən olan, 1945-ci ildə çəkilmiş və Heydər Əliyev Fondunun təşəbbüsü və dəstəyi ilə dünya kino sənayesinin mərkəzi olan “Hollywood”da rəngli formatda bərpa olunmuş "Arşın mal alan" filmi nümayiş etdirilib.

2 sentyabr tarixində Tirananın İtaliya meydanında Azərbaycanın Respublikası Xalq artisti Ənvər Sadığov və Əməkdar artist Emil Əfrasiyabın rəhbərlik etdiyi Buta qrupunun etno-caz konserti baş tutub. Qrup ənənə və müasirlik arasında körpü yaradaraq, müxtəlif janrlarda sintez xarakterli improvizasiyalar ifa edib.

Azərbaycan mədəniyyət həftəsi çərçivəsində, həmçinin Dövlət Turizm Agentliyinin Milli Kulinariya Mərkəzinin təşkilatçılığı ilə İsgəndərbəy meydanında yerli sakinlərə ölkəmizin milli mətbəx nümunələri, milli şirniyyatlarımızdan çələnglər və müxtəlif təbliğat-nəşr materialları təqdim olunub.

Mədəniyyət günləri çərçivəsində Azərbaycan nümayəndə heyəti Albaniyanın mədəniyyət naziri xanım Elva Margariti, Tirana şəhər meri Erion Veliac və Albaniya Milli Kitabxanasının direktoru Piro Mişa ilə görüşlər keçirib, ikitərəfli əməkdaşlığın genişləndirilməsi imkanlarını müzakirə edib.

# 177 dəfə oxunub

Oxşar xəbərlər

“Beynəlxalq Sülh Günü” adlı virtual sərgi hazırlandı

“Beynəlxalq Sülh Günü” adlı virtual sərgi hazırlandı

18:45 21 sentyabr 2023
“Həyat, deyəsən, gözəldir” filminin  nümayiş tarixi dəyişdirildi

“Həyat, deyəsən, gözəldir” filminin nümayiş tarixi dəyişdirildi

18:30 21 sentyabr 2023
Əməkdar artist:  “O məndən qabaq dünyasını dəyişdi”

Əməkdar artist: “O məndən qabaq dünyasını dəyişdi”

18:00 21 sentyabr 2023
Türkiyəli aktrisa bu səbəbdən intihar edib

Türkiyəli aktrisa bu səbəbdən intihar edib

17:20 21 sentyabr 2023
11 ay 15 gün yaşayan oğlan, ana həsrətiylə ölən qızcığaz - Zərdüşt Əlizadə

11 ay 15 gün yaşayan oğlan, ana həsrətiylə ölən qızcığaz - Zərdüşt Əlizadə

17:00 21 sentyabr 2023
Ömürlük həbs cəzasına məhkum edilən aktyor boşanır

Ömürlük həbs cəzasına məhkum edilən aktyor boşanır

16:44 21 sentyabr 2023
# # #