Rusiyalı aktyor Stanislav Sadalski teleqram kanalında mərhum şair Nikolay Dobronravov haqqında fikirlərini bölüşüb.
Kulis.az xəbər verir ki, sənətçi Dobronravovu Rusiyanın ən populyar şairlərindən biri adlandırıb.
Aktyorun sözlərinə görə, rusiyalılar Dobronravovun şeirlərini Aleksandr Puşkin və Mixail Lermontovun əsərlərindən daha çox bilir.
O, həmçinin arxiv fotosunu paylaşaraq Dobronravov və onun həyat yoldaşı, bəstəkar Aleksandra Paxmutova haqqında da danışıb. Sadalski qeyd edib ki, Kalininqraddan Vladivostoka qədər heç bir məclis Dobronravovun mahnıları olmadan keçmir.
“Çünki Nikolay Dobronravov həyat yoldaşı Aleksandra Paxmutovanın dahiyanə musiqisinə hər zaman səmimi və təsirli sözlər yazırdı”, – deyə o əlavə edib.
Xatırladaq ki, Nikolay Dobronravov 16 sentyabr 2023-cü ildə 94 yaşında vəfat edib. O, 1956-cı ildən ömrünün sonuna qədər Aleksandra Paxmutova ilə birlikdə mahnılar bəstələyib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər