Akademik Milli Dram Teatrında Zəfər Günü qeyd olundu

Akademik Milli Dram Teatrında Zəfər Günü qeyd olundu
8 noyabr 2022
# 11:30

Zəfər Günü münasibəti ilə Akademik Milli Dram Teatrında təntənəli tədbir keçirilib, "Zəfər yolu" tamaşası nümayiş olunub.

Kulis.az xəbər verir ki, teatrın mətbuat xidmətindən verilən məlumata görə, tamaşanın nümayişindən əvvəl teatrın bədii rəhbər-direktoru, Xalq artisti Azər Paşa Nemətov Müzəffər Ali Baş Komandanımız İlham Əliyevin rəhbərliyi ilə ordumuzun 44 günlük Vətən müharibəsində qazandığı şanlı qələbədən danışıb. Qeyd olunub ki, Akademik Milli Dram Teatrının 4 əməkdaşı Vətən müharibəsində iştirak edib, onlardan biri qazi olub.

Azər Paşa Nemətov bildirib ki, Xalq artisti Əli Nurun oğlu, baş leytenant Rövşən Nurzadə Şuşanın azadlığı uğrunda aparılan döyüşlərdə qəhrəmancasına şəhid olub.

Tədbirdə teatrın Həmkarlar İttifaqı Komitəsinin Fəxri fərmanı və mükafatı Xalq artisti Əli Nura, qazi Tərlan Əsgərliyə, müharibə iştirakçıları Ruslan Kərimova, Rüfət Cabbarova və Fuad Cəbrayılova təqdim olunub.

Daha sonra tamaşa nümayiş olunub.

Səhnə əsəri Mədəniyyət Nazirliyinin sifarişi ilə hazırlanıb.

Azərbaycanın 44 günlük Vətən müharibəsində qazandığı tarixi qələbəyə ərməğan olan yeni tamaşanın müəllifi və quruluşçu rejissoru Xalq artisti Azər Paşa Nemətov, rəssamı Əməkdar mədəniyyət işçisi İlham Elxanoğlu, bəstəkarı Xalq artisti Siyavuş Kərimi, rejissoru Emil Əskərov, rejissor assistenti Nərmin Həsənovadır.

Yeni yaradıcılıq işində Xalq artistləri Nurəddin Mehdixanlı, Əli Nur, Əməkdar artistlər Hicran Nəsirova, Elxan Quliyev, Mətanət Atakişiyeva, Mirzə Ağabəyli, Elnar Qarayev, Anar Heybətov, Ayşad Məmmədov, Mətləb Abdullayev, Elşən Rüstəmov, Rəşad Bəxtiyarov, aktyorlar Rüstəm Rüstəmov, Elçin Əfəndi, Xədicə Novruzlu, Rada Nəsibova, İlahə Həsənova, İlyas Əhmədov, Afət Məmmədova, Aylin Həşimova, Ramin Şıxəliyev, Vüsal Mustafayev, Cümşüd Zeynalov, Elnur Qədirov, Cavidan Novruz, Elsevər Rəhimov, Corc Qafarov, Tural İbrahimov çıxış edirlər.

Qeyd edək ki, Akademik Milli Dram Teatrı "Zəfər yolu" tamaşasını 4-5-6 noyabr tarixlərində axşam və gündüz saatlarında olmaqla üç gün ardıcıl nümayiş etdirib. Səhnə əsəri məktəblilər, tələbələr və digər yaş qruplarından olan tamaşaçılar tərəfindən böyük maraq və alqışlarla qarşılanıb.

# 1442 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
#
#
# # #