Xalq artisti Azərbaycanı beynəlxalq festivalda təmsil edəcək

Xalq artisti Azərbaycanı beynəlxalq festivalda təmsil edəcək
30 dekabr 2020
# 16:10

Xalq artisti, pianoçu Murad Hüseynov XXI “Pekində görüş” Beynəlxalq Sənət Festivalında iştirak üçün dəvət alıb. Bütün dünyanın maraqla izlədiyi festivalda ölkəmizin klassik musiqi ifaçılıq sənəti ilk dəfə təmsil olunacaq.

Kulis.az xəbər verir ki, Xalq artisti festivalda Azərbaycan və Avropa bəstəkarlarının əsərlərini səsləndirəcək.

Qeyd edək ki, Xalq artisti oktyabr ayında da UNESCO-nun təşkilatçılığı ilə Gürcüstanda təşkil edilən beynəlxalq festivala dəvət almışdı. Murad Hüseynovun “Pekində görüş” festivalında iştirakı Azərbaycanın bu ölkədəki səfirliyinin dəstəyi ilə reallaşır.

XXI “Pekində görüş” Beynəlxalq Sənət Festivalı COVID-19 pandemiyası səbəbindən proqramına onlayn şoular əlavə edilərək, 2021-ci il 7 yanvar - 4 fevral arasında keçirilməsi planlaşdırılır.

"Qış ehtirası, onlayn sənətlər, klassiklər yaddaşda" adlanan "Pekində görüş" 2021-də 24 ölkədən sənət qruplarının səhnələşdirdiyi 42 tamaşa nümayiş olunacaq. Festivalın rəsmi saytında bildirilir ki, bunların arasında 31 onlayn şou və 11 teatr tamaşası olacaq. Festival ayrıca Qış Olimpiya mövzulu bir sıra mədəni fəaliyyətləri, altı sənət sərgisini və sənət forumlarını da əhatə edəcək.

Bir ay davam edəcək tədbir zamanı hər cümə, musiqi, tamaşalar və rəqslərdən ibarət onlayn şoular pulsuz yayımlanacaq. Şouda nümayiş olunan sənət növləri arasında Ukrayna baleti, Alman operası, İtalyan klassik musiqisi və Fransa, İsrail və Cənubi Koreyanın müasir rəqsləri yer alacaq.

Xalq artisti Murad Hüseynovun festivalda çıxışı ilə bağlı əlavə məlumat mətbuata təqdim olunacaq.

# 2586 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
#
#
# # #