Oğurluğa görə adam zəncirləyənlərin cəzası

Oğurluğa görə adam zəncirləyənlərin cəzası
17 fevral 2021
# 13:37

Hərdən elə insanlar, elə hadisələrlə rastlaşırıq ki, adam elə bilir yalandı, hansısa dramatik filmdən, ya da kitabdan götürülmüş bir fraqmentdi.

Bu gün də bir video gündəmə gəldi. Oğurluq etmiş bir şəxsi zəncirlə dirəyə bağlayıb videosunu çəkmişdilər.

İlahi!

“Cinayətkar”ın sadəcə bir su oğurladığını öyrənəndə isə lap dəhşətə gəldim.

İnsan nə qədər amansız, qəddar olmalıdır ki, bir qurtum su, ya bir tikə çörəyə görə kimisə belə “cəzalandırsın”.

Lap oğurladığı çox bahalı bir şey, məsələn zinət əşyası olsa da, heç kimin kimisə fərdi şəkildə, həm də bu cür cəzalandırmağa haqqı yoxdur.

Oxucular məni bağışlasın, əsəbimdən heç yazını da düz-əməlli yaza bilmirəm.

Hisslərimi söyüşlə ifadə etmək istəyirəm, amma buna da etik normalar icazə vermir.

Çünki ortada bir cinayət varsa, cəzanı müvafiq qurumlar verməlidir.

Bu, birmənalı şəkildə belə olmalıdır.

Və mənə görə, həmin videonu çəkən, adamı zəncirlə dirəyə bağlayan şəxs elə dünyanın ən böyük cinayətkarıdır. Ən böyük cəza da ona verilməlidir.

Axı sən kimsən ki, birini zəncirləyib videosunu çəkib sosial şəbəkədə paylaşırsan?!

Heçmi ləyaqətin, vicdanın, insanlığın yoxdu?!

Ey adamlar! Biri-birinizə qarşı daha mərhəmətli, daha xeyirxah və sevgi ilə yanaşmaq bu qədərmi çətindir?

Görəsən dünya həmişə belə olub? Həmişə belə olub adamlar?

Özünü ağa-nökər dövründə hiss edən bu adamlar niyə kif atmış düşüncələrindən xilas ola bilmir.

Xatırlayanda ki, ölkəmin məşhurları da, aşağı-yuxarı eyni təfəkkürdədi, adamın lap başından tüstü çıxır. Məşhur deyəndə müğənni Röyanı nəzərdə tututam. Müğənni bir müddət əvvəl onu sosial şəbəkədə təhqir edən bir izləyicisini fərdi yolla tapmış, onu qarşısına gətizdirərək özündən üzr istətmişdi...

Mənim sözüm yoxdu.

# 3647 dəfə oxunub

Oxşar xəbərlər

Dünyanın  10 böyük və qədim kitabxanası

Dünyanın 10 böyük və qədim kitabxanası

16:00 12 iyul 2025
Peruda  4000 illik  antik şəhər  aşkarlandı

Peruda 4000 illik antik şəhər aşkarlandı

15:30 12 iyul 2025
Fransız və çex şairlərinin adlarını özünə təxəllüs seçən Nobel mükafatçısı kim idi?

Fransız və çex şairlərinin adlarını özünə təxəllüs seçən Nobel mükafatçısı kim idi?

14:30 12 iyul 2025
“Tovuz döyüşləri – Zəfərə gedən yol”  Milli Kitabxanada  sərgilənir

“Tovuz döyüşləri – Zəfərə gedən yol” Milli Kitabxanada sərgilənir

14:15 12 iyul 2025
"Adam iş vaxtında tanınar, qadan alım!.." - Mirzə Fətəli Axundov

"Adam iş vaxtında tanınar, qadan alım!.." - Mirzə Fətəli Axundov

13:30 12 iyul 2025
Harbiyə səhnəsində Hadisə şousu ...

Harbiyə səhnəsində Hadisə şousu...

13:00 12 iyul 2025
#
#
# # #