“Caspian Energy Club”ın İdarə Heyətinin iclasında Mədəniyyət və Kinematoqrafiya üzrə Komitənin yaradılması haqqında qərar qəbul olunub.

Kulis.az xəbər verir ki, bu barədə “Caspian Energy Club”ın sədri və baş icraçı direktoru Telman Əliyev məlumat verib.

O, bildirib ki, yeni yaradılan Mədəniyyət və Kinematoqrafiya üzrə Komitənin fəaliyyət məqsədi ölkə daxilində, ölkədən kənarda Azərbaycan mədəniyyətinin və kinematoqrafının inkişafında, eyni zamanda təbliğində fəal iştirakından ibarətdir:

“Komitə fəaliyyətində mədəniyyət və kinematoqrafiya sahəsində fəaliyyət göstərən müəssisə və təşkilatların mövcud vəziyyəti haqqında məlumatların toplanması, təhlili və sistemləşdirilməsi, Klubun üzvləri olan digər ticarət strukturları ilə işgüzar əlaqələrin qurulmasına köməyin göstərilməsini, Azərbaycan Respublikası Mədəniyyət Nazirliyi üçün təkliflərin hazırlanmasını, həmçinin mədəniyyət və kinematoqrafiya sahəsində fəaliyyət göstərən müəssisələrin iqtisadi inkişafı üçün əlverişli şəraitin, rəqabətli bazarın yaradılması və beynəlxalq əlaqələrin qurulmasını, Mədəniyyət Nazirliyi və Azərbaycanın digər icra hakimiyyəti orqanları ilə sıx əməkdaşlıq etməyi planlaşdırır”.

“Caspian Energy Club”ın İdarə Heyətinin iclasının qərarı ilə Klubun Mədəniyyət və Kinematoqrafiya üzrə Komitəsinin sədri Azərbaycanın Əməkdar mədəniyyət işçisi, Azərbaycan Respublikasının Kinematoqrafçılar İttifaqının katibi Nəriman Məmmədov seçilib.

Məlumat üçün bildirək ki, 2002-ci ilin iyununda yaradılan“Caspian Energy Club” sıralarında 50 ölkədən 5000-dən çox şirkət və təşkilatı birləşdirir. “Biznes-hökumət” dialoqunun fəal iştirakçısı olan klubun əsas məqsədi Azərbaycanda və “Caspian Energy Club”ın fəaliyyət göstərdiyi digər ölkələrdə investisiya və işgüzar mühitin yaxşılaşdırılmasından, həmçinin B2G, B2B və B2C formatlarında dialoqların stimullaşdırılmasından və onlarda fəal iştirak etməkdən ibarətdir.

Biznes-netvorkinq üçün beynəlxalq platforma olan “Caspian Energy Club” mütəmadi olaraq müxtəlif tədbirlər təşkil edir. Mənzil-qərargahı Bakıda yerləşən “Caspian Energy Club”ın Gürcüstan və Qazaxıstanda rəsmi nümayəndəlikləri, dünyanın müxtəlif ölkələrində isə səlahiyyətli nümayəndələri var.

Azərbaycan Kinematoqrafçlar İttifaqının katibliyindən bildirlib ki, iş adamlarının Azərbaycan kino sahəsinə olan diqqəti və marağı çox təqdirəlayiqdir və kinematoqrafçılar ilə iş adamları arasında körpülərin qurulması çox vacib məsələlərdən biridir.

aki.az

• "Adile" filminin qalası keçirildi
• "Mənə güc verən konslagerdəki bir insana olan sevgim idi…" - Gestapo istintaqında səsini itirən Nobel mükafatçısı
• "Komandos" filminin ulduzu dünyasını dəyişdi