8 marta "prostina" almışıq, götürmür - Aqşin Yenisey

8 marta "prostina" almışıq, götürmür - Aqşin Yenisey
8 mart 2025
# 11:26

Kulis.az Aqşin Yeniseyin yeni yazısını təqdim edir.

Bizim qismətimizə sekulyarizmin xurafat dövrü düşdü.

İstənilən ideologiya özünün təsərrüfat dayaqlarını yaratmadan yaşaya bilməz.

Bu dayaqları yaratmaq üçün o kütlələri ovlamalıdır, kütlənin gəlirlərini ələ keçirməlidir.

İdeologiya özünün iqtisadi maraqlarını təmin etmək üçün öz xurafatını yaratmağa məhkumdur. Xurafat ideya və ideologiyanın kütlə şuuruna uyğunlaşdırılmış formasıdır.

Din öz təsərrüfatını kahinlər, rahiblər, mollalar vasitəsilə yaradır və idarə edir. Tibet rahiblərinə üç evnə yeməyi də xalq bişirib aparır.

Liberal sekulyarizmin də artıq öz çağırışları və bu çağırışları kütlərlərə çatdıran mollaları, kahinləri var.

Adına yaşam koçları, karyera uzmanları, iş danışmanları və s. deyilən zümrə sekulyarizm mollalarıdır. Neoliberalizmin təsərrüfat sisteminin dayanıqlığını qorumaq üçün sekulyarizmin xurafatını yaratmaq və yaymaqla məşğuldurlar.

Bu ixtisaslar universitetlərdə bazarın sifarişi və maliyyəsi ilə açılır, orada yetişən mütəxəssisə insanları bazara yönəltmək qaydaları öyrədilir.

Məsələn, onların xidmətləri sayəsində bu gün alış-veriş asıllığı deyilən psixoloji bir xəstəlik növü ortaya çıxıb ki, bu asılılığı yaradan da onların alış-verişin depressiyadan xilas etməsi haqqında söylədikləri müalicəvi moizələridir.

Rahiblər, mollarlar da eyni işi görürlər; əvvəlcə xurafata yoluxdururlar, sonra dinlə müalicə edirlər.

Dünən iftar vaxt taksidə 3 saatlıq tıxacda ancaq bir neomollaya qulaq asmışam. Salavat göndərmə yarışı təşkil etmişdi. Biri efirə yazdı ki, mən bu gün 25 min salavat göndərmişdəm, bu qayıtdı ki, rekord 30 mindir, get 5 min də göndər.

Sekulyar tərəfdə də süni yollarla azadlıq, xoşbəxtlik yarışları keçirilir. Az xərcləmisən, get çox xərclə! Nə yolla qazana bilirsən. qazan, önəmli deyil. Hamıdan azad və xoşbəxt görünmək istəyirsənsə, çox xərclə, rekord qır.

Taksi sürücüsü də bu yandan dirəyib ki, müəlliməyə 8 marta "prostina" almışıq, götürmür, belə qudurğanlıq olar?

Dəli olsam, bağışla!

# 1895 dəfə oxunub

Oxşar xəbərlər

Xalq artisti xəstəxanaya yerləşdirilib? - Açıqlama

Xalq artisti xəstəxanaya yerləşdirilib? - Açıqlama

18:42 7 aprel 2025
Mübariz Tağıyev:  "Onun oğlunun toyunda oxumağım üçün bir maşınlıq pul təklif etdilər" - Müsahibə

Mübariz Tağıyev: "Onun oğlunun toyunda oxumağım üçün bir maşınlıq pul təklif etdilər" - Müsahibə

18:35 7 aprel 2025
Bütün "xalalar" Veneradan gəlib, bütün fahişələr yadellidir - Cəlil Cavanşir

Bütün "xalalar" Veneradan gəlib, bütün fahişələr yadellidir - Cəlil Cavanşir

18:20 7 aprel 2025
"Molla Nəsrəddin" necə Allahsızlar İttifaqının orqanına çevrildi?

"Molla Nəsrəddin" necə Allahsızlar İttifaqının orqanına çevrildi?

17:50 7 aprel 2025
Mədəniyyət abidələrinə pasport veriləcək

Mədəniyyət abidələrinə pasport veriləcək

17:40 7 aprel 2025
"Konsertinə getmədim, çağırmamışdı" - Elməddin Cəfərov

"Konsertinə getmədim, çağırmamışdı" - Elməddin Cəfərov

17:29 7 aprel 2025
# # #