Türkiyənin Mersin şəhərində anadan olan, hazırda İstanbulda yaşayan, 15 ildən çoxdur ki, həyatını musiqi ilə bağlayan və DJ kimi fəaliyyət göstərən Cafer Palamut Mayami, Dubay, Monako kimi şəhərlərdə çıxışlar edərək məşhur sənətçilərlə müxtəlif kompozisiyalar ərsəyə gətirib.

Kulis.az xəbər verir ki, o, türkü və türk xalq musiqilərini elektron musiqi ilə sintez edən ilk DJ-lərdən biri hesab olunaraq bu coğrafiyanın musiqi alətlərini, sözlərini və dəyərlərini dünyaya çatdırır.

Cafer Palamutun həyat yoldaşı Vəfa Süleymanova azərbaycanlıdır. Palamut Azərbaycan torpağı olan Qarabağ münaqişəsi ilə bağlı məsələnin dünya ictimaiyyətinə çatdırılmasında öz töhvəsini verə bilmək istəyi ilə məşhur Azərbaycan xalq mahnısı “Sarı gəlin”i Ayla Balyemezin səsi ilə elektron musiqidə birləşdirərək önəmli musiqi platformalarından olan “Beatport”da həm “hayp”, həm də eksklüziv olaraq ilk dəfə azəri-türk əsəri kimi yayımlanmasına nail olub.

Xatırladaq ki, Cafer Palamut bundan öncə də azərbaycanlı bəstəkar Eldar Mansurovun “Bayatılar” əsərini məşhur yəhudi saz-kamança ustası Mark Eliyahunun ifası ilə “Alegria” adlı layihədə birləşdirib. Bu əsər də xeyli tamaşaçı diqqəti görmüşdür.

• Dolub gözlərimə ovunur torpaq - Günün şeiri
• Pilotlar və Hökumə Əliyeva II Fəxri Xiyabanda dəfn ediləcək
• Əyləncəli verilişlərin yayımı dayandırıldı