Keçən ilin noyabrında itkin düşən və dünən yandırılmış meyiti tapılan 10 yaşlı Nərmin Quliyevanın faciəvi qətlinə sənət və media əhli səssiz qalmadı.

Kulis.az xəbər verir ki, sənətçilər sosial şəbəkədəki hesablarından Nərminin fotosunu paylaşaraq azyaşlı uşaqların qətlini lənətləyiblər.

Müğənni Nigar Camal: “Bu, ağır itkidir. Biz bilmirik Nərmin balamıza hansı xəsarətləri yetiriblər. Belə insanları, pedofilləri məhv etmək, diri-diri yandırmaq lazımdır. Başqa yol görmürəm. Balaca uşağa necə başqa gözlə baxmaq olar? Məsum körpəyə - 10 yaşlı qıza bunu etmək vəhşilikdir. Belə şeyləri boş buraxmaq olmaz. Tapıb cəzalandırmaq lazımdır. Özü də həbs etmək yox, dünyadakı ən sərt cəzalara məhkum etmək mütləqdir. Uşaqlar valideynə Allahın ən böyük hədiyyəsidir. Allah heç bir valideynə bu ağrını nəsib etməsin!

Xalq artisti Faiq Ağayev: “Bu cinayəti törədən qəddar zalım (zalımlar) ən tez zamanda tutulmalı, ona (onlara) ən ağır cəza tətbiq edilməlidir!”

Əməkdar artist Hüsniyyə Mürvətova: “Sənin qanın yerdə qalmayacaq mələk. Nərmin üçün susma!!! İnsanlar niyə bu qədər vəhşiləşib. İlahi! Bu qızcığaza necə qıyıblar? Öldürüblər, üstəlik yandırıblar... Ağlım çözmür artıq bu vəhşilikləri. Şokdayam. Hara gedir bu dünya. Cinayətkar ən ağır cəza ilə cəzalandırılmalıdır”.

Müğənni Elton Hüseynəliyev: ““Dəhşətli bir hadisədir. Qatil mütləq cəzalanacaq, buna əminəm. Belə məxluqlar ən ağır cəzaya layiqdir”.

Müğənni Elvin Abdullayev “Bu körpənin günahı nədir? Allah heç bir ana-atanı övladı ilə sınağa çəkməsin. Bunu edər hər kimdirsə, çarmıxa çəkilməlidir”.

Aparıcı Lalə Azərtaş: “Bəli! Meşələr yanmasın, canlılar məhv olmasın. Amma belə məsum körpələr heç ölməsin, öldürülməsin. Qatili ən ağır şəkildə cəzalandırılsın. Onun ahın ödəmədən, hər gün ölə-ölə yaşamadan rahat gəzmə, qatil!”.

• Venesiya Film Festivalında yarışacaq filmlər açıqlandı
• Londonda hip hop sərgisi: Eminemin döymələrindən Taysonun xatirələrinə...
• Azərbaycan plovu Səmərqənddə beynəlxalq kulinariya festivalında